17:53 / 09-01-2017
გორელი ოჯახი მიცვალებულის მერიის წინ დასვენებით იმუქრება: "დაკრძალონ, კუბოს შეძენის საშუალება არ გვაქვს"
"მერიის შენობის წინ დავასვენებთ მიცვალებულს და დაკრძალონ, ჩასასვენებლის შეძენის საშუალება ჩვენ არ გვაქვს", - აცხადებს გორში გარდაცვლილი მერი ცარციძის ძმა ვაჟა ცარციძე. 79 წლის მერი ცარციძეს საკუთარი ოჯახი არ ჰყავდა, იგი გორში, ლეხ კაჩენსკის ქუჩაზე, #51-ში მდებარე სამოთახიან ბინაში ცხოვრობდა. გარდაცვლილი სწორედ აღნიშნულ მისამართზე, ჩასასვენებლის გარეშეა დასვენებული და ახლობლები მერიის შესაბამისი სამსახურის დახმარებამდე დაკრძალვას არ აპირებენ.

გორის მერიის სოციალური განყოფილების სამსახურში აცხადებენ, რომ სოციალური პროგრამა რამდენიმე კატეგორიაზეა გათვლილი და გარდაცვლილი მერი ცარციძე არც ერთ კატეგორიაში არ გადის, რის გამოც მის ოჯახს დახმარებაზე უარი ეთქვა:

"ჩვენთან მოვიდა მოქალაქე ვაჟა ცარციძე, რომელიც მისი დის გარდაცვალებასთან დაკავშირებით ითხოვდა სარიტუალო დაკრძალვის ხარჯებზე დახმარებას. გორის მერიის სოციალური პროგრამა ამ კუთხით გათვლილია სამ კეტეგორიაზე, ესენი გახლავთ: დევნილები, ომის ვეტერანები და უპატრონო მიცვალებულები. ვინაიდან გარდაცვლილი მერი ცარციძე არცერთ კატეგორიაში არ გადის, ვაჟა ცარციძეს დახმარებაზე უარი ეთქვა. მას შემდეგ, რაც საკითხის შესწავლა მოხდება, შესაბამისი კომისია იმსჯელებს ოჯახისთვის ფულადი დახმარების გაწევის საკითხზე და დადებითი გადაწყვეტილების შემთხვევაში, გავუწევთ ფულად დახმარებას, თუმცა, ამ ეტაპზე, სოციალური მდგომარეობის შესწავლამდე, თანხის დაკონკრეტება გამიჭირდება. ამის შესახებ ინფორმაცია მივაწოდეთ გარდაცვლილის ძმასაც", - აცხადებს გორის მერიის სოციალური განყოფილების უფროსი ქეთევან შატაკიშვილი.

განსხვავებული მოსაზრება აქვთ გარდაცვლილის ოჯახის წევრებს. გარდაცვლილის ნათესავების თქმით, მერი ცარციძე სოციალურად დაუცველი მარტოხელა პენსიონერი იყო, სოციალური შემწეობაც ერთ პირზე ერიცხებოდა და შესაბამისად, მერიის სოციალური პაკეტის ფარგლებში დაკრძალვის სარიტუალო მომსახურებაზე დახმარება ეკუთვნის. აღნიშნულ არგუმენტს მერიის ჯანდაცვის და სოციალური სამსახურის ხელმძღვანელი ეკატერინე ქუთათელაძე ამგვარად პასუხობს:

"მართალია, გარდაცვლილი მარტოხელა იყო, თუმცა, უპატრონოდ არ ითვლება, მას ჰყავს ახლო ნათესავები, რომლებთანაც ახლო ურთიერთობა ჰქონდა. მუნიციპალიტეტის სოციალურ პაკეტში კი, ხაზგასმითაა აღნიშნული, რომ ამგვარი დახმარება გაეწევათ უპატრონო მიცვალებულებს, თუმცა, ასეთ შემთხვევაში, როცა ოჯახს
ეკონომიკურად უკიდურესად უჭირს, სოციალურად დაუცველი მოქალაქეებისთვის მოქმედებს მერიის სოციალური პაკეტის სხვა მუხლები და შესაბამისი შესწავლის საფუძველზე, სწორედ აღნიშნული მუხლებით ხდება გარკვეული დახმარების გაწევა. ჩვენი წარმომადგენელი რამდენიმე საათია ცდილობს გარდაცვლილი მერი ცარციძის ძმასთან შეხვედრას, რომ მოხდეს დეტალების დაზუსტება და დახმარების გაწევა, მაგრამ ამ დრომდე ვერ შეძლო".

ცარციძეებს მიცვალებულის ჩასასვენებელი ჯერ არ შეუძენიათ და მერიის გადაწყვეტილებას ელოდებიან.

ია თინიკაშვილი
AMBEBI.GE
10:35 / 21-02-2017
ლია
0
მიცვალებულს რაღას ერჩით, ესეც სამეგრელო ხომ არ არის, თავიანთ მიცვალებულებს აქეთ-იქით რომ დააპროწიალებენ. ალბათ ის საცოდავი ქალი სიცოცხლეში რამდენს იკლებდა, თავისი ძმისთვის ბინა რომ შეენარჩუნებინა. არ სჯობდა ერთ ოთახიანში გადაეცვა სამოთახიანი ბინა და ის თანხა თავად მოეხმარა. ასეთი უმადური ძმა და ძმისშვილები არაფრის ღირსები არ არიან. ღმერთმა აცხონოს მიცვალებული.
20:51 / 15-01-2017
marina
0
სირცხვილია ეს რა გავიგე
მსგავსი სიახლეები
"მიმდინარეობს დაკვირვება დინამიკაში, რომ გადაწყდეს შემდგომში მკურნალობის ტაქტიკა"
გორში, კორპუსის მე-3 სართულიდან 6 წლის ბავშვი გადმოვარდა
"ლომბარდიდან ოქროს ნივთების გამოხსნა ვერ შეძლო და ყაჩაღობის ინსცენირება მოაწყო"
ყაჩაღობის შემდეგ რაზმაძის დედა საავადმყოფოში მოხვდა
+VIDEO| უამიდობის გამო, გორში გარეგანათება რამდენიმე ადგილას გაითიშა
ოჯახმა რვა თვის ორსულ მეუღლესთან ერთად სახლიდან გააგდო
ოპერაციის შემდეგ, ძაღლი გადარჩა
შემთხვევას წინ ურთიერთშელაპარაკება უძღოდა
ბიზნესმენის ცხედარი დემოკრატიული მოძრაობის ოფისის ეზოში ნახეს
ამ კატეგორიის სხვა სიახლეები
11:02 / 18-08-2017  Image კატალონიის პოლიციამ ბარსელონასა და კამბრილსში მომხდარ ტერაქტებში ეჭვმიტანილი მესამე პირი დააკავა
აღნიშნულ ტერაქტზე პასუხისმგებლობა ტერორისტულმა დაჯგუფებამ „ისლამური სახელმწიფო“ აიღო
11:21 / 18-08-2017  Image როდის დაიწყება სწავლა და რა საჩუქრები დახვდებათ სკოლის მოსწავლეებს ახალ სასწავლო წელს
ახალ სასწავლო წელს სკოლებში უფასო სახელმძღვანელოების 60% ახალი, 40% კი მეორადი იქნება
11:38 / 18-08-2017  Image გიორგი სიგუა - 400 000 ევროა ჩვენი უცხოელი პარტნიორების მიმართ დავალიანება და 100-150 ათასი საქართველოში არსებული ვალი
”დავალიანება ეს არის სამოქალაქო საკითხი და არა კრიმინალი"
22:16 / 17-08-2017  Image ბარსელონაში მომხდარ ტერაქტს ქართველი ფეხბურთელის მეუღლე შეესწრო - "ახლაც შოკში ვარ... შემთხვევის ადგილიდან 100 მეტრში ვიდექი"
"უცებ ატყდა ხმაური, გარეთ რომ გავედით, პანიკა იყო..."
16:03 / 17-08-2017  Image ბაჩო და დათა ახალაიების დედა, ნანი გაბედავა გარდაიცვალა
ნანი გაბედავა 61 წლის იყო
პოპულარული კომენტარები
დღის ვიდეო
PALITRATV.GE
You must have Flash Player installed in order to see this player.
ინტერნეტკონფერენცია
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49