"საერთაშორისო გამჭვირვალობა-საქართველომ" სამეგრელო-ზემო სვანეთის მუნიციპალიტეტების მიერ გაწეულ ადმინისტრაციულ ხარჯებთან დაკავშირებით, დღეს ზუგდიდის დემოკრატიული ჩართულობის ცენტრში კვლევა წარადგინა.
ორგანიზაციის ინფორმაციით, 2016 წელს გამგეობებსა და საკრებულოებს შორის პრემიის სახით ყველაზე დიდი თანხა ზუგდიდის მუნიციპალიტეტის გამგეობასა და საკრებულოში გაიცა. გამგეობაში პრემიის ოდენობამ 771 825 ლარი შეადგინა, საკრებულოში კი 201 440 ლარს გადააჭარბა.
ანგარიშში აღნიშნულია, რომ ხშირ შემთხვევებში პრემიები დასაბუთების გარეშე გაიცა.