გურჯაანის რაიონში არასრულწლოვანი ძმები დაჭრეს

გურჯაანის რაიონის სოფელ შაშიანში 15 და 17 წლის ძმები დაჭრეს. ისინი სასწრაფო-სამედიცინო დახმარების ბრიგადამ გურჯაანის რაიონულ საავადმყოფოში გადაიყვანა. ექიმების ინფორმაციით, ერთ არასრულწლოვანს ჭრილობა გულ-მკერდის არეში, მეორეს კი მენჯ-ბარძაყზე აქვს მიყენებული. მათივე თქმით, პაციენტების ჯანმრთელობის მდგომარეობა სტაბილურია.

სოფელ შაშიანში გამგებლის წარმომადგენლის, ნიკოლოზ მღებრიშვილის განცხადებით, ინციდენტს წინ შელაპარაკება უძღოდა.

"ჩემი ინფორმაციით, ინციდენტი ღამის 11 საათზე, სოფლის სასაფლაოსთან ახლოს მოხდა. რამ გამოიწვია კონფლიქტი, პოლიცია დაადგენს, ალბათ", - აღნიშნა ნიკოლოზ მღებრიშვილმა.

იხილეთ ვრცლად reginfo.ge-ზე