შსს - ქართველი ჟურნალისტების დაკავების შესახებ ევროკავშირის სადამკვირვებლო მისია ინფორმირებულია

შსს - ქართველი ჟურნალისტების დაკავების შესახებ ევროკავშირის სადამკვირვებლო მისია ინფორმირებულია

რუსი ოკუპანტების მიერ ქართველი ჟურნალისტების დაკავების შესახებ ევროკავშირის სადამკვირვებლო მისია უკვე ინფორმირებულია. როგორც "ინტერპრესნიუსს" შინაგან საქმეთა სამინისტროში განუცხადეს, აღნიშნულთან დაკავშირებით ევროკავშირის სადამკვირვებლო მისიას ინფორმაცია ცხელი ხაზის საშუალებით მიეწოდა.

"შინაგან საქმეთა სამინისტრომ საქმეში უკვე ჩართო საერთაშორისო ორგანიზაციები. ცხელი ხაზის მეშვეობით ცოტა ხნის წინ მიეწოდა ინფორმაცია ევროკავშირის სადამკვირვებლო მისიას", - აცხადებენ უწყებაში.

რუსმა ოკუპანტებმა სოფელ აძვში ქართველი ჟურნალისტები დააკავეს. დაკავებული არიან ტელეკომპანია "TV 3"-ის გადამღები ჯგუფი - ჟურნალისტი ბელა ზაქაიძე, ოპერატორი ვახო ლეკიაშვილი და ტელეკომპანიის ტექნიკური თანამშრომელი მიხეილ მიხოევი.

დაკავების შესახებ ინფორმაციას თავად ტელეკომპანია ავრცელებს. მისი ცნობით, ტელეკომპანიის გადამღები ჯგუფი სოფელ აძვში საზღვრის გადმოწევის ფაქტის გასაშუქებლად იყო ჩასული, როდესაც რუსმა ოკუპანტებმა დააკავეს.

"ინტერპრესნიუსი"

დაპირისპირება თბილისის ცენტრში - რამდენიმე მამაკაცი ფიზიკურად გაუსწორდა

"სათამაშო ბიზნესი "ქართულ ოცნებაში" ე.წ. შავ სალაროს ავსებს" - ვინ მფარველობს ონლაინკაზინოებს?

პოლიციელებმა 35 წლის მამაკაცის გატაცებაში ფული აიღეს? - რა ახალ დეტალებს ამჟღავნებს "კურიერი" რუსთავში მომხდარი მკვლელობის შესახებ