ვაკეში მომხდარ შემთხვევასთან დაკავშირებით ახალი ვერსია ვრცელდება

ვაკეში გუშინ მომხდარ უბედურ შემთხვევასთან დაკავშირებით კიდევ ერთი ვერსია ვრცელდება. "ინტერპრესნიუსის" ინფორმაციით, შემთხვევა ვაკეში, შროშის ქუჩაზე მოხდა, სადაც მე-12 სართულიდან გოგონა გადმოხტა ან გადმოვარდა. მისი დედა კი ქვევით, კორპუსთან ახლოს იმყოფებოდა და ამ ფაქტს შეესწრო. მას სასწრაფო დახმარების გაწევა დასჭირდა. არსებული ინფორმაციით, შვილი გარდაიცვალა, დედას კი მედიკოსებმა დახმარება ადგილზევე აღმოუჩინეს.

ამასთან, მომხდართან დაკავშირებით, დღეს გავრცელდა ინფორმაცია, რომ დედა-შვილი საცხოვრებელი კორპუსის მე-12 სართულიდან გადმოხტა.

შსს-ის განმარტებით, ფაქტზე გამოძიება 115-ე მუხლით დაიწყო, რაც თვითმკვლელობამდე მიყვანას გულისხმობს.

"ინტერპრესნიუსი"

იხილეთ ასევე:

- ვაკეში დედა-შვილი მე-12 სართულიდან გადმოხტა