სათვალთვალო კამერა, რომელიც გარდაცვლილი ეროსი კიწმარიშვილის ავტომობილს უყურებდა სხვა მხარეს არის შეტრიალებული

სათვალთვალო კამერა, რომელიც გარდაცვლილი ეროსი კიწმარიშვილის ავტომობილს უყურებდა, სხვა მხარეს არის შეტრიალებული - ამის შესახებ ინფორმაციას რუსთავი 2 ავრცელებს.

რუსთავი 2-ის  მიერ მომზადებულ სიუჟეტში ნაჩვენებია სათვალთვალო კამერა, რომელსაც ნათითურები ეტყობა და სხვა მხარესაა მიბრუნებული.

როგორც სიუჟეტში აღნიშნავენ, ეს კამერა ავტოფარეხში ეროსი კიწმარიშვილის სურვილით დამონტაჟდა.

რუსთავი 2-ის დამფუძნებლის ეროსი კიწმარიშვილის ცხედარი მისი საცხოვრებელი სახლის მიწისქვეშა ავტოსადგომზე, საკუთარ მანქანაში გუშინ იპოვეს. მას თავში აქვს ერთი ტყვია მოხვედრილი. გამოძიება თვითმკვლელობამდე მიყვანის მუხლით მიმდინარეობს.

|"იარაღზე სისხლის კვალი არ იყო, გარდაცვლილს ღვედი ეკეთა..." - ზურაბ კიწმარიშვილის სკანდალური განცხადება