ადიგენში სამი ახალგაზრდა მოკლეს - მკვლელობა გახსნილია

ადიგენის მუნიციპალიტეტის, სოფელ ყარათუბნის გზაზე დაახლოებით ორი საათის წინ სამი ახალგაზრდა მამაკაცის ცხედარი იპოვეს.

ადგილობრივების თქმით, გარდაცვლილები სოფელ ყარათუბნის მკვიდრნი - 22, 24 და 26 წლის ახალგაზრდები არიან.

შსს–ს ინფორმაციით, დაჭრილია კიდევ ერთი ადამიანი. სამი ახალგაზრდის მკვლელობაში ბრალდებული სამართალდამცავებმა ცხელ კვალზე დააკავეს.

გამოძიება სისხლის სამართლის კოდექსის 109–ე მუხლით მიმდინარეობს, რაც დამამძიმებელ გარემოებაში განზრახმკვლელობას გულისხმობს.