ნოშრევან ნამორაძე სასამართლო დარბაზიდან გაათავისუფლეს

ნოშრევან ნამორაძე სასამართლო დარბაზიდან გაათავისუფლეს

ბიზნესმენ დავით კოდუას ცემაში ბრალდებული ნოშრევან ნამორაძე თბილისის საქალაქო სასამართლოს დარბაზიდან გაათავისუფლეს. გადაწყვეტილება მოსამართლე ნინო სანდოძემ მიიღო.

ნოშრევან ნამორაძეს 50 ათას ლარიანი გირაო დაეკისრა, ადვოკატები კი ნამორაძისთვის 10 ათას ლარიან გირაოს ითხოვდნენ.

ადვოკატებმა პროცეზე განაცხადეს, რომ ნოშრევან ნამორაძეს არ დაუმტკიცდა ჯგუფურ თავდასხმაში მონაწილეობა, რის გამოც გაჩნდა შესაძლებლობა მისი გირაოთი გათავისუფლების.

გარდა ამისა, ადვოკატების ინფორმაციით, ნამორაძეს ჯანმრთელობის მდგომარეობა სასჯელაღსრულების დაწესებულებაში დამძიმდა - ბრალდებულს აქვს გულის დაავადება, ასევე გაზრდილია უფრო მძიმე განვითარების რისკი, რის გამოც ესაჭიროება სამოქალაქო სექტორის საავადმყოფოში მკურნალობა.

როგორც სასამართლო დარბაზის დატოვების შემდეგ ნამორაძის მეუღლემ, ნინო სუთიძემ განაცხადა, გირაოს თანხით უზრუნველყოფა დღესვე მოხდება.

ამასთან, პროცესის მიმდინარეობის დროს შეუძლოდ გახდა დავით კოდუას დედა, ლაურა ღაჭავა და სასწრაფო დახამრების ბრიგადის გამოძახება გახდა საჭირო.

დავით კოდუაზე თავდასხმა თბილისში, აბაშიძის ქუჩაზე 30 მაისს მოხდა. ცემის შემდეგ კოდუა მძიმე მდგომარეობაში საავადმყოფოში გადაიყვანეს.

"ინტერპრესნიუსი"

"სასამართლოს იმიტაციაა, გამიშვით ან რუსთავში ან გარეთ" - ნიკა მელია

"მადლობა იმისთვის, რომ არსებობთ...ბრძოლის ჟინს მიათკეცებთ" - ნიკა მელია მოსამართლეს

"ჩემს დაკავებაზე გახარიასაც ჰქონდა თანხმობა მიცემული... ახლა რომ ცდილობს თავი ისე მოაჩვენოს, თითქოს წინააღმდეგი იყო" - ნიკა მელია