რუსი ოპოზიციონერი, ბორის ნემცოვი გუშინ საღამოს კრემლთან ახლოს მდებარე ხიდზე მოკლეს. მაშინ როდესაც ის ვახშმობის შემდეგ უკრაინელ მოდელ ანნა დურიტსკაიასთან ერთად სეირნობდა. მას ცეცხლი თეთრი "ფორდის" მარკის ავტომობილიდან გაუხსნეს. ნემცოვს ოთხი ტყვია ზურგის არეში მოხვდა, რის გამოც ოპოზიციონერი ადგილზევე გარდაიცვალა.
მეგობარი გოგონა, რომელიც რუსი ოპოზიციონერის მკვლელობას შეესწრო, ჰიპნოზის მეშვეობით დაკითხეს.
ფსიქოლოგებმა გადაწყვიტეს ჰიპნოზის საშუალებით უკრაინელ მოდელს აღედგინა პროცესები, რომელიც სროლისას განხორციელდა. თუმცა სპეციალისტთა განცხადებით, ერთადერთი რისი გახსენებაც უკრაინელმა 23 წლის ანა დურიტსკაიამ შესძლო არის ის, რომ მკვლელს სავი ფერის ტანსაცმელი ეცვა. გამოცემა "რენ.ტვ"-ის ინფორმაციით, ანა დურიტსკაიამ ვერც მანქანის მოდელი და ვერც ნომერი ვერ დაასახელა.