აეროპორტის გზაზე, მეტრო "სამგორის" მიმდებარე ტერიტორიაზე სამართალდამცველებმა ორი მოქალაქე დააკავეს.
როგორც "ინტერპრესნიუსს" შინაგან საქმეთა სამინისტროში განუცხადეს, დაკავებულია არაფხიზელ მდგომარეობაში მყოფი ორი პირი, რომლებიც მეტროს მიმდებარედ გამვლელ მოქალაქეებს სიტყვიერ შეურაცხყოფას აყენებდნენ.
სამინისტროს პრესსამსახურის ინფორმაციით, ორივე მოქალაქე დაკავებულია ადმინისტრაციულ სამართალდარღვევათა კოდექსის 166-ე და 173-ე მუხლების საფუძველზე, რაც წვრილმან ხულიგნობასა და სამართალდამცველებისთვის წინააღმდეგობის გაწევას გულისხმობს.