შსს-ს ყოფილ თანამშრომელს, რომელმაც 24 წლის ქალი იმსხვერპლა, 6 წლით პატიმრობა მიესაჯა

შინაგან საქმეთა სამინისტროს ყოფილ თანამშრომელს რევაზ თევდორაშვილს, რომელმაც ავტოსატრანსპორტო შემთხვევის შედეგად 24 წლის სოფიკო სეფიაშვილი იმსხვერპლა, რუსთავის საქალაქო სასამართლომ სასჯელის სახით 6 წლით თავისუფლების აღკვეთა მიუსაჯა.

ბრალდებულმა ჩადენილი დანაშაული აღიარა. ადვოკატები მისთვის უფრო მსუბუქი სასჯელის შეფარდებას ითხოვდნენ.

ავტოსაგზაო შემთხვევა, რომლის შედეგადაც სოფიკო სეფიაშვილი დაიღუპა, 2014 წლის 17 აგვისტოს, დაახლოებით 23:00 საათზე, ბაკურციხე-თბილისის ცენტრალურ ავტომაგისტრალზე, სოფელ მარტყოფის გადასახვევთან მოხდა.

იხილეთ ვრცლად

კახეთის საინფორმაციო ცენტრი