ზესტაფონის პოლიციის ეზოში შუა ხნის მამაკაცი გარდაიცვალა. როგორც "ინტერპრესნიუსს" შინაგან საქმეთა სამინისტროში განუცხადეს, დღის პირველ ნახევარში, ზესტაფონის ბაზრის მიმდებარე ტერიტორიაზე მამაკაცს ავტომობილი ისე ჰყავდა გაჩერებული, რომ მოძრაობას აფერხებდა და საცობს ქმნიდა. სამართალდამცავებმა მას საბუთები მოსთხოვეს, რაზეც მძღოლმა უპასუხა, რომ საბუთები არ ჰქონდა. 65 წლამდე ასაკის მამაკაცი, რომელსაც თან მეუღლე ახლდა, გადასამოწმებლად ზესტაფონის პოლიციაში წაიყვანეს.
შსს-ს ინფორმაციით, მამაკაცი პოლიციის ეზოში სამართალდამცავებს ელოდებოდა, რათა ბაზაში მისი იდენტიფიცირება მომხდარიყო, თუმცა იგი პოლიციის ეზოში გარდაიცვალა. ადგილზე გამოძახებული იყო სასწრაფო დახმარების ბრიგადა. წინასწარი ვარაუდით, მამაკაცი გულის შეტევით გარდაიცვალა.
მომხდართან დაკავშირებით საქმე აღძრულია სისხლის სამართლის კოდექსის 115-ე მუხლით, რაც თვითმკვლელობამდე მიყვანას გულისხმობს.