"ბიძინა ივანიშვილს მოუწევს პასუხის გაცემა... ირაკლი შოთაძე კი პასუხს აგებს", - ამის შესახებ განცხადება თავდაცვის ყოფილმა მინისტრმა, ირაკლი ალასანიამ ტელეკომპანია "იმედის" პირდაპირ ეთერში, გადაცემა "რეაქციაში" ე.წ. კაბელების საქმეზე საუბრისას გააკეთა.
ალასანია დღეს საქალაქო სასამართლოში საქმის მოსამართლის მიერ მიღებულ იმ გადაწყვეტილებას გამოეხმაურა, რომლის მიხედვითაც მოსამართლემ პროკურატურის მტკიცებულებები დაუშვებლად სცნო. "თავისუფალი დემოკრატების" ლიდერის განცხადებით, ე.წ. კაბელების საქმეზე თავდაცვის თანამშრომლების დაკავება ექსპრემიერ ივანიშვილის დაკვეთით მოხდა. ალასანია ირწმუნება, რომ ივანიშვილი საქმის წარმატებით დასრულების შემთხვევაში, მთავარი პროკურორის მოადგილეს, ირაკლი შოთაძეს მთავარი პროკურორის თანამდებობას დაპირდა.