გიგი უგულავას საქმის მოსამართლემ ავარიაში ადამიანი იმსხვერპლა - ფაქტს იუსტიციის საბჭოს მდივანი ადასტურებს

გიგი უგულავას საქმის მოსამართლის ავარიაში მოყოლის ფაქტი გადაცემა "არჩევანში" იუსტიციის საბჭოს მდივანმა ლევან მურუსიძემ დაადასტურა.

"რუსთავი 2"-ის მიერ სანდო წყაროსგან მიღებული ინფორმაციის თანახმად, გიგი უგულავას საქმის მოსამართლეს ავტოავარია მოუვიდა, რომელსაც ადამიანი ემსხვერპლა. ხელისუფლებამ საქმე ჩაფარცხა მოსამართლისგან უგულავას საქმეზე ხელისუფლებისთვის სასურველი გადაწყვეტილების მიღების სანაცვლოდ.

"ავარიას ჰქონდა ადგილი. ისიც ვიცი, რომ მსხვერპლი იყო, მაგრამ ამ საქმეების დაკავშირება არასწორია. ადამიანია გარდაცვლილი და როგორ შეიძლება, ვინმემ საქმე ჩაფარცხოს", - განაცხადა ლევან მურუსიძემ.