ოზურგეთის რაიონში გარდაცვლილი 9 წლის ბავშვის ოჯახზე ახალი დეტალები ხდება ცნობილი
ოზურგეთის მუნიციპალიტეტის სოფელ მელექედურში 9 წლის ბავშვის გარდაცვალებასთან დაკავშირებით ახალი დეტალები გახდა ცნობილი. მესამე კლასის მოსწავლე ჩამომხრჩვალი სახლის ახლოს იპოვეს. მელექედურის საჯარო სკოლაში ამბობენ, რომ ბავშვი მშობლებთან, ბებიასთან და და-ძმასთან ერთად ცხოვრობდა.
"ძალიან კეთილი და ყურადღებიანი ბავშვი იყო. ვერაფერს გეტყვით, რა მოხდა. ყველანი გაოცებულები ვართ" , - განუცხადეს "ინტერპრესნიუსს" სკოლაში. არსებული ინფორმაციით, ოჯახის სამი ბავშვის მდგომარეობით სოციალური სააგენტო იყო დაინტერესებული, რადგან მშობლები ალკოჰოლის მოხმარებაში იყვნენ შემჩნეულნი. როგორც სოფელ მელექედურის მცხოვრები აცხადებს, ტრაგედიის დღეს, ბავშვის დედა ქალაქ ოზურგეთში იმყოფებოდა ბავშვისთვის ტანსაცმლის საყიდლად, რადგან ორშაბათს ბავშვი სასკოლო ზეიმისთვის ემზადებოდა.
შსს-ს ინფორმაციით, მომხდარზე მიმდინარეობს გამოძიება. საქმე აღძრულია 115-ე მუხლით, რაც თვითმკვლელობამდე მიყვანას გულისხმობს.
დაპირისპირება თბილისის ცენტრში - რამდენიმე მამაკაცი ფიზიკურად გაუსწორდა
"სათამაშო ბიზნესი "ქართულ ოცნებაში" ე.წ. შავ სალაროს ავსებს" - ვინ მფარველობს ონლაინკაზინოებს?
