კვირის ყველაზე კითხვადი სტატიები
თვის ყველაზე კითხვადი სტატიები
13:18 / 18-01-2016
23 წლის წინ თბილისში პროკურორი მოკლეს - პირველი შეკვეთილი მკვლელობა და ბურუსით მოცული საქმის დეტალები
რამდენიმე დღის წინ, თბილისში სამეგრელო-ზემო სვანეთის საოლქო პროკურორი ვახტანგ ქირია მოკლეს. შსს-მ ოფიციალურად განაცხადა, რომ პროკურორის მკვლელობაში ბრალდებული ტელე-რადიო კომპანია "საქართველოს ხმის" დამფუძნებელი ბიძინა კუჭავაა, რომელიც მოკლულის ახლო ნათესავი იყო. კუჭავამ პოლიციის დევნის დროს სიცოცხლე თვითმკვლელობით დაასრულა.

საქართველოში ეს პროკურორის მკვლელობის მეორე შემთხვევაა. პირველი შემთხვევა 1993 წლის 10 მარტს, ასევე თბილისში მოხდა. მიხეილ ქურდაძე, რომელიც 1990-1993 წლებში თბილისის პროკურორის თანამდებობას იკავებდა, კოსტავას ქუჩაზე, საკუთარი სახლის წინ მოკლეს. მაშინდელმა პროკურატურამ და გენერალურმა პროკურორმა ნუგზარ გაბრიჩიძემ ფაქტი ასე შეაფასეს: "ეს არის პირველი შეკვეთილი მკვლელობა".

1993 წლის 10 მარტს, 56 წლის მიხეილ ქურდაძე საკუთარი სახლის სადარბაზოსთან მანქანით მივიდა. ავტომობილიდან გადმოსვლის შემდეგ, მას უცნობი ახალგაზრდა მიუახლოვდა და სახეში სამი ტყვია ესროლა. სადარბაზოს შესასვლელთან წაქცეულ, სასიკვდილოდ დაჭრილ პროკურორს მკვლელმა სამი საკონტროლო ტყვია დაახალა: ერთი თავში, ორი - გულში. სამართალდამცველებმა მკვლელობიდან ერთი წლის შემდეგ ამოიღეს მკვლელობის იარაღი - მაკაროვის სისტემის სქ-18-09 ტიპის პისტოლეტი, რომელიც სოხუმის გვარდიის ოფიცრის, არჩილ შანიძის საკუთრება იყო.

იგივე იარაღი ფიქსირდება თბილისში მომხდარ კიდევ რამდენიმე მკვლელობის საქმეში. 1993 წლის 4 მარტს, მიხეილ ქურდაძის მკვლელობამდე ექვსი დღით ადრე, წყნეთის გზაზე სამართალდამცველებმა "ჟიგულის" მარკის თეთრი ფერის "06"-ში ორი გვამი აღმოაჩინეს - არჩილ შანიძისა და მისი მეგობრის, ზურაბ ნათაძის. ორი მეგობრის მკვლელი დღემდე დაუდგენელია. ცნობილია მხოლოდ ის, რომ შანიძე და ნათაძე, შანიძის პისტოლეტით მოკლეს, იარაღი კი მკვლელმა წაიღო. ორმაგი მკვლელობიდან რამდენიმე დღეში შანიძის იარაღით თბილისის პროკურორი მოკლეს. 10 თვის შემდეგ კი 1994 წლის 31 იანვარს, მტკვარში დიდუბელი ნუკრი რურუას გვამი იპოვნეს, რომელიც ასევე შანიძის იარაღით იყო მოკლული. ამ საქმეზე პოლიციელი აკაკი დვალიშვილი დააკავეს, სამართალდამცავებმა მის სახლში იპოვეს შანიძის იარაღის ტყვია.

მიხეილ ქურდაძის მკვლელობის საქმეს პროკურატურა მრავალი წელი იძიებდა. არაერთი
You must have Flash Player installed in order to see this player.
ვერსია გაჟღერდა და მხოლოდ 8 წლის შემდეგ, 2001 წელს შეძლეს ეჭვმიტანილის დაპატიმრება. საქმეზე სამხედრო პოლიციის თანამშრომელი კობა გურგენიძე დააკავეს. გამომძიებლის განცხადებით, დაპატიმრებულმა ქილერმა შემკვეთისგან თბილისის პროკურორის მკვლელობისთვის გასამრჯელოდ სოლიდური ჰონორარი - 10 ათასი დოლარი აიღო.

კობა გურგენიძე წაყენებულ ბრალდებას კატეგორიულად უარყოფდა. საყურადღებო იყო ერთი დეტალი - ბრალდებული ფაქტობრივად ერთი მოწმის ჩვენების საფუძველზე გაასამართლეს. მოწმე, ლალი გოდერძიშვილი თავის ჩვენებაში ამხელდა კობა გურგენიძეს და ამბობდა, "კობა მოვიდა ჩემი ძმის სანახავად, ოთახში მარტო იყვნენ და მას უამბო, როგორ მოკლა მიხეილ ქურდაძე. ეს საუბარი მე მოვისმინეო". მნიშვნელოვანი იყო ისიც, რომ სასამართლო პროცესზე მოწმე ლალი გოდერძიშვილი და არც მისი ძმა არ დაკითხულა, რადგან იმ პერიოდისთვის ორივე გარდაცვლილი იყო. წინასწარ გამოძიებაში მიცემული მისი ჩვენება კი სასამართლომ გაიზიარა და გურგენიძე დამნაშავედ სცნო. მართალია კობა გურგენიძე გაასამართლეს, მაგრამ ამ საქმის ირგვლივ ბევრი კითხვა პასუხგაუცემელი დარჩა. გავრცელებული ინფორმაციით, პროკურატურისთვის ცნობილი იყო მკვლელობის დამკვეთთა ვინაობა და კვალი პოლიციის მაღალჩინოსანზე გადიოდა, თუმცა პროკურატურას შემკვეთთა ვინაობა არ დაუსახელებია...

თამარ ბოჭორიშვილი
AMBEBI.GE
09:52 / 19-01-2016
ედუარდ-გიორგის დაკვეთები უამრავია, მოწმეთა და შემსრულებელთა ლიკვიდაციაც ხდებოდა.
tamazi
23:28 / 18-01-2016
მე დარწმუნებული ვარ რომ,მკვლელობები რომელიც არ არის გახსნილი მაღალჩინოსნების ჩადენილია რომლებიც თანამდებობებზე, მუშაობენ სხვადასხვა ადგილებზე დღემდე. იმედია შოთაზე გაუხსნელ სააქმებს მიხედავს,გამსაკუთრებით მცხეთაში სამხარეო სამართველოში 2004წ მკვლელობების საქმეები გაუხსნელია რატომ არ იხსნება?ზემოთ მოგახსენეთ
ლია
მსგავსი სიახლეები
მოდებაძე დავით საყვარელიძემ პროკურორად მიმდინარე წლის 16 მარტს დანიშნა
"მინდა განმარტება გავაკეთო ჩემი და ჩემი ოჯახის წევრების მიმართ ცილისმწამებლური კამპანიის შესახებ"
ღვედაშვილის განცხადებით, მას დათვზე უკანონო ნადირობაში არასდროს მიუღია მონაწილეობა
+VIDEO "ჩვენთვის ეს არის უდიდესი ტრაგედია, ჩვენ თანამშრომელი დავკარგეთ"
ავტომანქანას 4 ტყვია მოხვდა, თავად პროკურორი ალექსანდრე გოგუაძე არ დაშავებულა
შემთხვევა პროკურორის გამოძიების ქვეშ მყოფ ერთ-ერთ საქმეს უკავშირდება
პროკურორებმა სხვადასხვა დროს, რამდენიმე დათვი, ახმეტის რაიონში, ბაწარა - ბაბანეურის ნაკრძალში მოკლეს
თეა წულუკიანის ინფორმაციით, ჰააგის პროკურორი შეხვდება ომის მსხვერპლებს
+VIDEO|როგორც პროკურორმა აღნიშნა, ამ ეტაპზე საპროცესო შეთანხმებაზე საუბარი არ მიმდინარეობს
ამ კატეგორიის სხვა სიახლეები
10:42 / 27-05-2016  Image ორი სამარშრუტო ტაქსის შეჯახებას რუსთავი-თბილისის მაგისტრალზე 2 ადამიანი ემსხვერპლა
ორი სამარშრუტო ტაქსის შეჯახებას რუსთავი-თბილისის მაგისტრალზე 2 ადამიანი ემსხვერპლა
13:18 / 27-05-2016  Image ჯიგრები, მათხოვრები და ოკუპანტები, ანუ თბილისელი მძღოლის გასაჭირი
აი, "სტაიანშჩიკების" ამბავზე მოდი, ორიოდე სიტყვა ვთქვათ
10:22 / 27-05-2016  Image ჯანმრთელობის ელექსირი - რა უნდა იცოდეთ ალოეს განსაკუთრებულ თვისებებზე
ნამდვილი ალოე - ალოე ვერაა
12:47 / 27-05-2016  Image პრინცმა უილიამმა გაამხილა, როგორ აძინებს პატარა ჯორჯს
პრინცი ჯორჯიც ისეთივე მამიკოა, როგორიც სხვა მზრუნველი მამები
12:53 / 26-05-2016  Image ეგზორციზმი თუ მკვლელობა? - ემილი როუზის რეალური ამბავი, რომელიც რამდენიმე ფილმს დაედო საფუძვლად
+VIDEO გოგონამ განაცხადა, რომ მას მართავს 6 დემონი: ლუციფერი, კაენი, იუდა ისკარიოტელი, ნერონი...
კვირის ყველაზე კითხვადი
დღის ვიდეო
PALITRATV.GE
You must have Flash Player installed in order to see this player.
ინტერნეტკონფერენცია
2016-02-08 08:11:10
ქალი სილამაზეზე უხსოვარი დროიდან ზრუნავდა,...
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49