კვირის ყველაზე კითხვადი სტატიები
თვის ყველაზე კითხვადი სტატიები
09:27 / 16-02-2016
"იმ დღეს სესხი აიღო, ფული დადო და წააგო" - 13 ივნისის სტიქიის გმირის თვითმკვლელობის აქამდე უცნობი დეტალები
საქართველოში ბოლო დროს სუიციდის შემთხვევების სტატისტიკა შემაშფოთებელ ზღვარზეა. შინაგან საქმეთა სამინისტროს ოფიციალური მონაცემებით, გასული წლის მხოლოდ დეკემბრის თვეში თვითმკვლელობის 74 ფაქტი მოხდა, ხოლო წლის მანძილზე სულ სუიციდის 395 შემთხვევა ფიქსირდება.

უმეტეს შემთხვევაში, გარდაცვლილთა ასაკი 17-დან 30 წლამდე მერყეობს. სუიციდის მიზეზად ყველაზე ხშირად ფინანსური პრობლემები სახელდება, რომელიც მეტწილად აზარტულ თამაშებს უკავშირდება.

ყველაზე მეტად აზარტული თამაშების მოყვარულები ონლაინ კაზინოებს მიმართავენ. ეს მათთვის გაცილებით კომფორტული და მოსახერხებელია. ეს გასართობი ხშირ შემთხვევაში თავად "მოთამაშეების" სიცოცხლისთვის სახიფათო ხდება. ათასობით წაგებული ლარი, დაგროვილი ვალი, მომდურებული მეგობრები -
ხშირ შემთხვევაში, ამ ფსიქოლოგიურ წნეხს ვერ უძლებენ და "გამოსავლად" თვითმკვლელობას ხედავენ.

13 ივნისის სტიქიის გმირი ირაკლი იმნაძე, რომლის თვითმკვლელობამ ერთი თვის წინ მთელი თბილისის აალაპარაკა, სავარაუდოდ, ასევე აზარტული თამაშების მსხვერპლია. ირაკლის სამეგობრო წრეში "ბარნის" ეძახდნენ. 30 წლის ახალგაზრდამ სტიქიის დროს 3 ქალბატონი და 50 ძაღლი გადაარჩინა. "თვითონ იხრჩობოდა, მაგრამ სხვის სიცოცხლეზე ფიქრობდა. თბილი, უსაყვარლესი ადამიანი იყო... პრობლემა არასოდეს ეტყობოდა. მისი საყვარელი ფრაზა იყო - "ბარნი ვარ, მაგრამ მაინც დათვი ვარ", - ამბობს "ამბები.გე"-სთან საუბრისას გარდაცვლილის ახლობელი, რომელმაც ვინაობის გამხელა არ ისურვა:

- კეთილი და ჯანსაღი ადამიანი იყო. დაუზარელი და სიცოცხლით სავსე... ადამიანს რომ პრობლემა არ ეტყობა, ასეთი ადამიანი იყო. სხვას რომ პრობლემა ჰქონდა, თან გადაჰყვებოდა. "კლიჩკა" ჰქონდა "ბარნი", რადგან ცარიელი გული იყო. ბავშვები გიჟდებოდნენ მასზე. დიდი სიყვარულით გამოირჩეოდა ცხოველების მიმართაც. უპატრონო ძაღლებსაც კი დიდი სიყვარულით უვლიდა. ვერავინ ვერ ხვდებოდა, რის გამო გააკეთა ეს. როგორც ამბობენ, წინა დღეს ყველას მიმართ განსაკუთრებულ სიყვარულს ამჟღავნებდა...

- როგორც ირკვევა, ფინანსური პრობლემები ჰქონდა... როდის დაიწყო ეს ყველაფერი?
- აგვისტოდან დაიწყო თამაში. თუმცა, ამას თამაშიც არ ერქვა, უფრო ერქვა გართობა. ფული ჰქონდა და ერთობოდა. რატომღაც, თბილისში არავინ არ მიიჩნევს, რომ ტოტალიზატორში ფსონების დადება თამაშია. შეიძლება ოჯახში ითხოვონ: 20 ლარი მომეცი, ფეხბურთზე დავდებ, 200 ლარს მოვიგებო და სახლშიც აძლევენ. სამწუხაროდ, ამას ვერ ხვდებიან, რომ ცუდია და ამან შეყოლა იცის... ტოტალიზატორს თამაშობდა, იშვიათად კაზინოებშიც. სიმართლე გითხრათ, მეგობრებმა არც ვიცოდით საიდან და ვისგან მოჰქონდა ეს ფული. ან როგორ მივიდა ამ ზომამდე. რომ ვთქვა, ვინმეს დიდი ვალი ჰქონდა-თქო, ასე არ იყო. ონლაინსესხები ჰქონდა აღებული. ამას მოჰყვა სესხზე ვადაგადაცილება, შემდეგ ყადაღა, ამის შემდეგ იგებს ოჯახი და ა.შ. ეს ყველაფერი პრობლემებს იწვევს.

- რა მოხდა თვითმკვლელობის დღეს?
- როგორც ვიცი, დილით რაღაც სესხი გააკეთა, ეს ფულიც დადო და წააგო. რამდენიმე საათში კი ეს ტრაგედია მოხდა... საშინელება იყო. სასწრაფოს მოსვლამდე, რამდენიმე წუთი ცოცხალი იყო, გული უცემდა. თუმცა, მისი გადარჩენა ვერ მოხერხდა.

ნინო დათაშვილი
AMBEBI.GE

"პალიტრა მედიის" გადაწყვეტილებით, ჰოლდინგის არც ერთი მედიასაშუალება ონლაინ კაზინოების რეკლამაზე შეკვეთას აღარ მიიღებს
15:15 / 03-08-2016
mancho
0
რას ქვია ? ,,ტრაგედიას ვერ ვხედავ ძლიერი ცოცხლობს სუსტი კვდება,,? ან ვინც სუსტი ნებისყოფისაა რაც შეიძლება მალე გავიდეს გაღმა, ხომ არ გაგიჯდით შემთხვევით? აბა ერთი თქვენს ოჯახის წევრ დაემართოს მასეთი რამე, საინტერესოა მერეც მასე ილაპარაკებთ? სხვისი თანაგრძნობაც კი არ შეგიძლიათ, რა აზრი აქვს რაიმე აგიხსნათ, არავინაა დაზღვეული შეცდომისგან და ნუ გგონიათ რომ ძალიან ჯანსაღები ხართ და არ დაგემართებათ მაგდაგვარი რამ არასოდეს. აუცილებლად უნდა აიკრძალოს ონლაინ თამაშები და კაზინოები.
16:42 / 13-06-2016
ნატ
0
300 ლარიანი სესხის გამო თავს არავინ იკლავს და ძალიან გთხოვთ, მეტი პასუხისმგებლობით ასათაურეთ თქვენი სტატიები. ყელაფრისგან არ შეიძლება შოუს შექმნა და ფულის კეთება!
მსგავსი სიახლეები
"ჩემი ბიძაშვილი გუშინ გადაასვენეს საკუთარ სახლში, დეიდაშვილს კი ხვალ გადავასვენებთ"
ლიკა ქავჟარაძის გარდაცვალებასთან დაკავშირებით გამოძიება თვითმკვლელობამდე მიყვანის მუხლით დაიწყო
ზურაბ ტაკიძე  25 სექტემბერს საკუთარი სახლის სადარბაზოში ცეცხლსასროლი იარაღით დაჭრილი მეზობელმა იპოვა
შოთა მამინაშვილი ვარჯიშის დაწყებამდე შეუძლოდ გახდა
წინასწარი ინფორმაციით, მამაკაცს ვალები ჰქონდა, რის გამოც მან სიცოცხლე თვითმკვლელობით დაასრულა
"საღ ჭკუაზე რომ ყოფილიყო, მკვლელობის მერე ამდენი საათი ცხედართან გაჩერდებოდა?"
ერთმანეთს მოტოციკლი და მინივენი შეეჯახნენ
"გიორგის კატები უყვარდა ძალიან და ბათუმში ორი ქუჩის კატა აიყვანა, რომელიც ნაქირავებ სახლში ჰყავდათ"
გოგონა GEM FEST-ზე მეგობრებთან ერთად იმყოფებოდა
ამ კატეგორიის სხვა სიახლეები
10:00 / 21-11-2017  Image ევროპა, ამერიკა და რუსეთი წინასაახალწლოდ აეროპორტების გაძლიერებულ დაცვას შეუდგნენ
"როსავიაციის" უფროსის თქმით, - "აეროპორტის ყველა თანამმშრომელი ფხიზელი უნდა იყოს"
22:02 / 20-11-2017  Image "თავში ჩამარტყეს ბლაგვი საგანი, ასევე მომაყენეს დანით ჭრილობა" - "ჩცდ"-ის მსახიობზე თავდასხმას შსს იძიებს
+VIDEO| "შაგუს ძმაკაციო თუ რაღაც მომესმა...
18:01 / 20-11-2017  Image რას ყვებიან მეზობლები ბათუმში "ბენზეს" დასახლებაში 24 წლის გოგონას გარდაცვალებასთან დაკავშირებით
+VIDEO: გარდაცვლილს ექსპერტიზა ამ დრომდე არ ჩატარებია
18:31 / 20-11-2017  Image ეროვნულმა ბანკმა ლარის ახალი კურსი დაადგინა
ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად
15:40 / 20-11-2017  Image რუსეთში ქმარს ცოლი 6 წლის განმავლობაში დატყვევებული ჰყავდა და აწამებდა

რინატ ბალიანოვს პარტნიორის  ცემა, წამება და ცოლის თავისუფლების რამდენიმეწლიანი აღკვეთა ბრალდება

პოპულარული კომენტარები
ინტერნეტკონფერენცია
2017-10-15 07:45:43
ბავშვის აღზრდა რთული და ხანგრძლივი...
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49