კვირის ყველაზე კითხვადი სტატიები
თვის ყველაზე კითხვადი სტატიები
18:16 / 24-02-2016
რას ყვება "კოკაინის საქმის" მთავარი ფიგურანტი ნუგზარ ბოჭორიშვილი კობახიძის და მისი ძმის გარშემო აგორებულ ახალ სკანდალზე
ე.წ. კოკაინის საქმის სკანდალი გრძელდება - ამჯერად, პარლამენტის ვიცე-სპიკერის მანანა კობახიძის წინააღმდეგ დაკავებულების ადვოკატი კობა კობახიძე ალაპარაკდა. როგორც კობა კობახიძემ გადაცემა "არჩევანში" სტუმრობისას განაცხადა, ანასტასია ზაუტაშვილის ოჯახს მანანა კობახიძის ძმამ, თედო კობახიძემ დააკავშირა: "მითხრა, რომ ვიდრე მე ზაუტაშვილის და ე.წ. კოკაინის საქმეზე დაკავებულების ინტერესებს დავიცავდი, ის იმუშავებდა შეწყალების თემაზე. თუმცა თედოს იქ ვინ ეკითხებოდა რამეს, მას ყველა მანანათი სცემდა პატივს. გამარჯვების შემთხვევაში, ანუ თუ დაკავებულები გათავისუფლდებოდნენ, დამატებით 75 ათასი ევრო უნდა მოგვეთხოვა ხუთივე დაკავებულისგან" - განაცხადა კობა კობახიძემ "არჩევანში".

რამდენი გადაუხადა რეალურად და საქმის წარმატებით დასრულების შემთხვევაში, ვის ჰპირდებოდა ბონუსებს - ამაზე სასაუბროდ "ამბები.გე" "კოკაინის საქმის" მთავარ ფიგურანტს, ანასტასია ზაუტაშვილის მეგობარ მამაკაცს ნუგზარ ბოჭორიშვილს დაუკავშირდა:

"კობა კობახიძის ადვოკატად აყვანა თედო კობახიძემ მართლაც მირჩია. წლების წინ თედოც ჩემი ადვოკატი იყო და შვილის მეურვეობის საკითხებში მეხმარებოდა, თუმცა როგორც კი ორივე და-ძმა პოლიტიკაში მოვიდა, ჩემ საქმეებს ავტომატურად ჩამოშორდნენ. საგანგაშო არაფერია იმაში, თუ კობა კობახიძეს თედომ და მანანამ რეკომენდაცია გაუწიეს. თქვენ რომ გკითხოთ რჩევა, კარგი ჟურნალისტი მირჩიეთ, ვინც კონკრეტულ საქმეში ერკვევა-მეთქი, დანაშაული იქნება?!

- თქვენ თანამდებობის პირებზე საუბრობთ, თანაც კობა კობახიძის განცხადებით, თედო კობახიძე შეწყალების კომისიასთან ურთიერთობის "დალაგებასაც" გპირდებოდათ.
- კობა კობახიძე იტყუება. უბრალოდ, მანანამ და თედომ, ჩემი საქმის დეტალები კარგად იცოდნენ, მათთვის ისიც ცნობილი იყო, რომ უდანაშაულო ადამიანები ციხეში უკანონოდ გამოკეტეს. შესაბამისად, შესაძლოა ადამიანურ დონეზე გვგულშემატკივრობდნენ, მაგრამ სხვა ფინანსური დაპირება არცერთი მხრიდან გაჟღერებულა.

- საქმეში ახალი გარემოებების გამოვლენის შემთხვევაში, კობახიძეებს ბონუსად არც 75 ათას ევროს დაპირებიხართ?
- კობა კობახიძეს 6 250 ევრო გადავუხადე. ვფიქრობ, ეს თანხა ახალი გარემოებების მოსაძიებლად საკმარისი იყო, თუმცა მან ვერაფრის გაკეთება მოახერხა. მხოლოდ ჩემი მოტყუებით იყო დაკავებული. ამიტომაც ჩავთვალე, რომ კობა კობახიძეს ეს თანხა ჩემთვის უნდა დაებრუნებინა. რაც შეეხება ბონუსებს, არც თედოსთან და არც კობასთან ბონუსებზე საუბარი არ მქონია. თუ საქმე წარმატებით დასრულდებოდა, თავად გადავწყვეტდი, ვისთვის რა თანხა გადამეხადა ბონუსად.

იხილეთ ვიდეო| რას ყვება ანასტასიას ადვოკატი და-ძმა კობახიძეების შესახებ

- საინტერესოა, ეკა ბესელიასთან და მანანა კობახიძესთან თუ ისაუბრეთ ამ საქმის გახმაურების შემდეგ?
- მათთან საუბრის სურვილიც კი არ გამჩენია. ფაქტია, რომ არაფრის გამკეთებლები არიან, დღემდე ისიც ვერ მოხერხდა, რომ ჩემი ახლობლების წამების ფაქტზე გამოძიება დაწყებულიყო. როგორც ჩანს, პროკურატურაც დღესაც წინა ხელისუფლების ხაზს აგრძელებს და სიმართლე ნაკლებად აინტერესებს.

- კიდევ ერთი საკითხი გახდა მითქმა-მოთქმის საფუძველი - რატომ მოითხოვა ანასტასია ზაუტაშვილმა ელისაშვილთან შეხვედრა და ადვოკატების აყვანაშიც მისგან რეკომენდაციები რატომ მიიღო?
- ალეკო ელისაშვილი შეცდომაში შეიყვანეს. როგორც ჩანს, მას თავადაც დააჯერეს, რომ პოლიტიკოსებთან გარიგებული ვიყავი და მათ სოლიდურ თანხებსაც ვუხდიდი. სწორედ ამ მიზნით შეხვდა ანასტასიაც, უნდოდა მისთვის კონკრეტული ინფორმაცია მიეწოდებინა და ეთქვა, რომ თანხა ჩვენი ოჯახიდან არავის გადაუხდია. რაც შეეხება ადვოკატებს, ალეკო ელისაშვილმა ორი ადამიანის დახმარება გვირჩია და მინდა გითხრათ, რომ მათ მეც
You must have Flash Player installed in order to see this player.
ვენდობი. იმედი მაქვს, ისინი ახალ გარემოებას აღმოაჩენენ და პრეზიდენტსაც სწორ ინფორმაციას მიაწვდიან. ვფიქრობ, ამ საქმეზე პრეზიდენტსაც არ ჰქონდა ზუსტი ინფორმაცია.

- ვრცელდება ინფორმაცია, რომ ელისაშვილთან გარიგდით - თუ ის ახალი ადვოკატების აყვანის შემდეგ პრეზიდენტთან ე.წ. კოკაინის საქმეში დაკავებული პირების შეწყალებაში დაგეხმარებათ, თქვენ კობახიძე-ბესელიას წინააღმდეგ კომპრომატებს მიაწვდით.
- ალეკო ელისაშვილთან მართლაც ვისაუბრე, გარკვეული საკითხები განვიხილეთ, მაგრამ მსგავს გარიგებაზე ლაპარაკიც კი ზედმეტია. ბუნებაში არ მომხდარა ბესელია-კობახიძესთან ფინანსური გარიგება და ამის დამამტკიცებელი საბუთები საიდან უნდა მქონდეს?! სხვათა შორის, ალეკომ კარგი შთაბეჭდილება დატოვა, გულწრფელი ადამიანია და სავარაუდოდ, ვიღაცებმა მისი ამ თვისებით ბოროტად ისარგებლეს. იმედი მაქვს, რომ ეს საქმე მალე დასრულდება და ჩემი უდანაშაულო ოჯახის წევრებიც საპატიმროს მალე დატოვებენ.

რუსა შელია
AMBEBI.GE
17:48 / 26-02-2016
ამ საქმიდან ე.წ.ნარკოტიკებით მოვაჭრეების წინა ხელისუფლების შსს მაღალჩინოსნებმა ამოღებული თანხის გარდა 1 მილიონ ევრომდე მიითვისეს.პირადათ წყალტუბოს ყოფილი პოლიციელის საუბრიდან მოვისმინე რომ ს.ტყაჩირში არავითარი ნარცოტიცი არ ყოფილა და ამ სიმართლისთვის დაიჭირეს,
omari
06:32 / 26-02-2016
არაფერი დასამტკიცებელი არ აქვს არც ქ ონ მანანას და არცქ ონ ეკას.ყველა ნორმალურმა ადამიანმა ყველაფერი იცის,რაც შეეხება კალგოტკებიან ბიჭებს ელისაშვილები და ძმანი მისნი ნუ რა ჩირქი ჩირქია,ესეთები ყოველთვის იყვნენ,არიან და კიდე იქნებიან.ფუუ რა მართლა კაცი შეგძულდება ამათი შემყურე. აი ვინაა სოფლელი და გოიმი,თან ძაან მდაბიო პოპულისტი ნუ მიშა კაცი პაროდაა ესეთი სამარცხვინო. მანანას და ეკას კი კიდევ ბევრი სიკეთის კეთებას ვუსურვებ /ავსა რად უნდა მტერობა კარგია მუდამ მტრიანი/დაგლოცოთ ბუნების ძალამ დ
nikoloza
მსგავსი სიახლეები
თავდაცვის მინისტრის გადაწყვეტილება საბოლოო არ არის - მას მთავრობის თანხმობაც სჭირდება
"მძიმე დანაშაული მოხდა, მაგრამ ეს არ გაძლევთ უფლებას ბოლომდე გაანადგუროთ ადამიანი"
"ვიცე-სპიკერმა საკითხი ასე არ უნდა დასვას - მეჭიაური თუ ბერძენიშვილი?"
"ესღა გვაკლდა, დავით უსუფაშვილმა დაგვიკომპლექტოს "ქართული ოცნების" პარტიული სია"
+VIDEO "ნაციონალური მოძრაობა" ცდილობს ყოველი ბიუროს სხდომა მათ დაეთმოთ"
კობახიძის საადვოკატო ჰონორარი 6250 ევრო იყო და მას შემდეგ, რაც "ვერაფრის გაკეთება" შეძლო,
ამ კატეგორიის სხვა სიახლეები
16:40 / 06-12-2016  Image სააკაშვილი: "თუ უკრაინის მოქალაქეობას ჩამომართმევენ, აეროპორტის სატრანზიტო ზონაში ვიცხოვრებ"
სააკაშვილის თქმით, პრემიერ-მინისტრის პოსტი მის მიზანს არ წარმოადგენს
11:34 / 06-12-2016  Image "რეკლამები ცუდად მოქმედებს ახალგაზრდებსა და უმწიფარ ბავშვებზე, რომლებიც ცდუნდებიან და ტოტალიზატორებს აკითხავენ"
ქალებს უფრო უჭირთ, თავი დაანებონ თამაშს
13:28 / 06-12-2016  Image ავღანელმა მიგრანტმა ევროკომისიის ჩინოვნიკის ქალიშვილი გააუპატიურა და მოკლა
მარია სწავლისგან თავისუფალ დროს სხვადასხვა თავშესაფრებსა და სახლებში მცხოვრებ მიგრანტებს ეხმარებოდა
16:09 / 06-12-2016  Image 1 წლის ბარბარე გადარჩება! - გოგონასთვის ღვიძლის გადანერგვის ოპერაცია ჯანდაცვის სამინისტრომ დააფინანსა
"ბარბარეს ღვიძლის გადანერგვა სჭირდება სასწრაფოდ, რაც 126 000 $ ღირს"
17:30 / 06-12-2016  Image მეკო კვირიკაშვილი და გიორგი ლომინაძე საპატრიარქოში...
ფეისბუქის გვერდი "რაგბის ფანები" ემოციურ ფოტოს აქვეყნებს
კვირის ყველაზე კითხვადი
დღის ვიდეო
PALITRATV.GE
You must have Flash Player installed in order to see this player.
ინტერნეტკონფერენცია
2016-05-31 08:36:57
ყველა მშობელს აინტერესებს, რა სიმაღლის...
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49