ბათუმში, 6 მაისის პარკში დაჭრილი მამაკაცი გარდაიცვალა. პარკში მყოფი თვითმხილველის სულიკო სიხარულიძის თქმით, 35 წლამდე მამაკაცს მანქანაში ესროლეს. მეზობლების თქმით, მამაკაცმა მანქანით პარკში ცოლსა და შვილებს მიაკითხა რა დროსაც რამდენჯერმე ესროლეს.
თვითმხილველების ინფორმაციით, ადგილზე მყოფებმა დაჭრილი მამაკაცი მისსავე მანქანაში ჩასვეს და საავადმყოფოში წაიყვანეს. მამაკაცი სავარაუდოდ, საავადმყოფოში მიყვანამდე გარდაიცვალა.
როგორც "ინტერპრესნიუსს" შსს-ში განუცხადეს, მომხდართან დაკავშირებით საქმე 108-ე განზრახ მკვლელობის მუხლით აღიძრა.