აფხაზეთის #1 სკოლის მასწავლებლები და მოსწავლეები დღეს, ზუგდიდის ცენტრში, 19 მაისს ხურჩაში მომხდარი მკვლელობის გასაპროტესტებლად შეიკრიბნენ და მდუმარე აქცია გამართეს.
აქციის მონაწილეებმა გიგა ოთხოზორიას ხსოვნას პატივი მიაგეს და მომხდარი ფაქტი დაგმეს.
20 მაისს, დაახლოებით 15:00 საათზე, ხურჩა-ნაბაკევის საზღვართან, საქართველოს მიერ კონტროლირებად ტერიტორიაზე საქართველოს მოქალაქე გიგა ოთხოზორია ე.წ. მესაზღვრემ ცეცხლსასროლი იარაღიდან გასროლით მოკლა. გიგა ოთხოზორიას ზუგდიდში 26 მაისს დაკრძალავენ.