წუხელ ქუთაისში 50 წლამდე მამაკაცი მოკლეს. შემთხვევა ჭომის დასახლებაში მოხდა.
გარდაცვლილის მეზობლების განცხადებით, მკვლელობის მიზეზი პირადი უთანხმოება იყო. მათივე ინფორმაციით, გარდაცვლილს უთანხმოება მეზობელთან ჰქონდა. ცივი იარაღით დაჭრილი საავადმყოფოში გადაიყვანეს, თუმცა ექიმებმა მისი გადარჩენა ვერ შეძლეს.
როგორც შსს-ში აცხადებენ, მომხდარ მკვლელობასთან დაკავშირებით მიმდინარეობს ოპერატიულ-საგამოძიებო მოქმედებები: "მომხდარზე გამოძიება დაიწყო. მიმდინარეობს ოპერატიულ-საგამოძიებო მოქმედებები. შსს დამატებით დეტალებთან დაკავშირებით ინფორმაციას მოგვიანებით გაავრცელებს", - აღნიშნეს უწყებაში.