ტოტალიზატორში მამაკაცმა სამართებლით თვითდაზიანებები მიიყენა

გორის ცენტრში, მამაკაცმა თვითდაზიანება მიიყენა. არსებული ინფორმაციით, შემთხვევა ერთ-ერთ ტოტალიზატორში მოხდა, სადაც მამაკაცმა თვითდაზიანებები სამართლებით ყელის არეში მიიყენა. მამაკაცი გორის სამხედრო ჰოსპიტალშია გადაყვანილი.

როგორც "ინტერპრესნიუსს" შინაგან საქმეთა სამინისტროში განუცხადეს, მომხდარზე საქმე სსკ-ის 115-ე მუხლით აღიძრა, რაც თვითმკვლელობამდე ან თვითმკვლელობის ცდამდე მიყვანას გულისხმობს.