მაგდა პაპიძეს სასამართლო დარბაზში აგინეს

ქმარ-შვილის მკვლელობაში ბრალდებულ მაგდა პაპიძეს სასამართლო დარბაზში რამდენჯერმე სიტყვიერი შეურაცხყოფა მიაყენეს. დარბაზში დამსწრე ერთ-ერთმა ახალგაზრდამ პაპიძის მისამართით მაშინ შეიგინა, როდესაც ბრადებული ომარ ქაფიაშვილის ძმას, მალხაზ ქაფიაშვილს შეკითხვას უსვამდა.

როგორც მაგდა პაპიძემ აღნიშნა, ის არასოდეს დაუკარგავს ამაგს მაზლს, რომელიც მის შვილზე მალხაზ ქაფიაშვილს აქვს გაწეული.

"ჩემს შვილზე ამ ადამიანს დიდი ამაგი აქვს და ამას არასოდეს დავუკარგავ. დედასთან მომიწია ხმის აწევა და ამას ძალიან განვიცდი", - აღნიშნა მაგდა პაპიძემ, რა დროსაც დარბაზში მჯდომი მამაკაცი წამოდგა და მას გინება დაუწყო. ახალგაზრდა, რომელიც მაგდა პაპიძის მიმართ უშვერ სიტყვებს იყენებდა, ცდილობდა ბრალდებულს მიახლოვებოდა და მისთვის ფიზიკური შეურაცხყოფაც მიეყენებინა. მამაკაცი სასამართლო დარბაზიდან მანდატურებმა გაიყვანეს.

მეორედ კი მაგდა პაპიძეს სიტყვიერი შეურაცხყოფა მაშინ მიაყენეს, როდესაც ბრალდებული "ომარ და თორნიკე ქაფიაშვილებთან გატარებულ ლამაზ დღეებს" იხსენებდა.

"19 დეკემბერი გაიხსენე შენი დედას .... რა ლამაზ დღეებზე ლაპარაკობ?!" - დაიყვირა დარბაზში მყოფმა ერთ-ერთმა ახალგაზრდა მამაკაცმა, რის შემდეგაც მანდატურის სამსახურმა ისიც გაიყვანა დარბაზიდან.

მაგდა პაპიძის საქმეს ნაფიცი მსაჯულები განიხილავენ.

წაიკითხეთ: "მემუქრება, შენი სისხლით უნდა მოვრწყა სადარბაზოო" - მაგდა პაპიძის და და დედა მოკლული ომარ ქაფიაშვილის ოჯახის წევრებს დაუპირისპირდნენ

თორნიკე კოშკაძე

AMBEBI.GE