გონიოში ავტომობილი ხეს შეასკდა - დაღუპულია მძღოლი
გონიოში BMW-ს მარკის მსუბუქი ავტომანქანა ხეს შეეჯახა. ავარიის შედეგად ავტომობილის მძღოლი, 33 წლამდე მამაკაცი ადგილზე დაიღუპა, ხოლო გვერდით მჯდომი მგზავრი კლინიკა "მედინას" რეანიმაციულ განყოფილებაშია მოთავსებული.
როგორც AMBEBI.GE-ს სასწრაფო დახმარების სამსახურში განუცხადეს, გამოძახებიდან 10 წუთში ბრიგადა ადგილზე მივიდა, თუმცა მძღოლი, რომელსაც მრავლობითი დაზიანება ჰქონდა მიღებული, გარდაცვლილი დახვდათ, ხოლო მგზავრი ავარიის თვითმხილველმა სხვა მძღოლებმა საავადმყოფოში გადაიყვანეს. ავარიის მიზეზი უცნობია, თუმცა ავტომობილი სავარაუდოდ ნაწვიმარ გზაზე მოცურდა.
იხილეთ კადრები ავარიის ადგილიდან
როგორც კლინიკა "მედინაში" აცხადებენ, დაშავებული მიმღებიდან მალევე რეანიმაციულ განყოფილებაში მოათავსეს. ახალგაზრდა მამაკაცის მდგომარეობა სტაბილურად მძიმეა.
ნინო ხოზრევანიძე
AMBEBI.GE
დაპირისპირება თბილისის ცენტრში - რამდენიმე მამაკაცი ფიზიკურად გაუსწორდა
"სათამაშო ბიზნესი "ქართულ ოცნებაში" ე.წ. შავ სალაროს ავსებს" - ვინ მფარველობს ონლაინკაზინოებს?
