მოძრაობა "პაატა ბურჭულაძე - სახელმწიფო ხალხისათვის" ერთ-ერთი წევრი თეონა დვალი რამდენიმე საათია გამოკითხვაზე იმყოფება. როგორც "ინტერპრესნიუსს" პარტიაში განუცხადეს, დვალის გამოკითხვა მთაწმინდის რაიონულ პოლიციაში მიმდინარეობს, თუმცა პოლიციაში მისი დაბარების მიზეზი უცნობია.
"ნამდვილად ვერ ვხვდები, რის გამო უნდა გავეჩერებინე. პირადობის მოწმობა მოითხოვეს და მითხრეს, რომ ვიზუალურად ძალიან ვგავდი ეჭვმიტანილს და ცდილობდნენ ამის გადამოწმებას. დაახლოებით 40 წუთის შემდეგ მომიტანეს ამონაწერი, აინტერესებდათ ინფორმაცია სად ვმუშაობდი, რაზე ვმუშაობდი", - განუცხადა "რუსთავი 2"-ს გამოკითხვამდე თეონა დვალმა.