კვირის ყველაზე კითხვადი სტატიები
თვის ყველაზე კითხვადი სტატიები
15:53 / 02-09-2016
ვინ იყო ვაკეში მოკლული სოსო ჯოხაძე და რა კავშირი ჰქონდა მას იუსტიციის მინიტრთან
არსებული ინფორმაციით, ვაკეში მომხდარი შეიარაღებული თავდასხმის დროს მოკლული პირი სოსო ჯოხაძეა, რომლის სახელიც არაერთ გახმაურებულ კრიმინალურ საქმეში ფიგურირებს. იგი ე.წ კრიმინალური ავტორიტეტის გიორგი ჯოხაძის ძმაა.

ჯოხაძეზე შეიარაღებული თავდასხმა დაახლოებით 15:20 საათზე ფალიაშვილისა და რიგის ქუჩების გადაკვეთაზე მოხდა. ცეცხლი მას და კიდევ ერთ ახალგაზრდა მამაკაცს გაუხსნეს. არაოფიციალური ინფორმაციით, თავდამსხმელები ნიღბებით იყვნენ.

სოსო ჯოხაძის სახელი რამდენიმე წლის წინ საქართველოს იუსტიციის მინისტრის თეა წულუკიანის სახელს დაუკავშირდა. 2013 წელს "თავისუფალმა ზონამ" გაავრცელა ფოტოები, რომელზეც წულუკიანი ჯოხაძესთან ერთად არის გადაღებული. მაშინ გავრცელებულ ფოტოებზე "ნაციონალური მოძრაობის" წევრმა გიორგი კანდელაკმა გააკეთა კომენტარი და
განაცხადა, რომ სოსო ჯოხაძის სახელს გასულ წლებში არაერთი გახმაურებული დანაშაული უკავშირდებოდა, მათ შორის 2001 წელს სასტუმრო "საქართველოსთან" მომხდარი კრიმინალური გარჩევა, რომლის დროსაც ორმხრივი სროლისას სამი ახალგაზრდა დაიჭრა.

იხილეთ ვიდეო| რას ყვებოდა გიორგი კანდელაკი ვაკეში ჩაცხრილული სოსო ჯოხაძისა და თეა წულუკიანის კავშირზე

კანდელაკის ინფორმაციითვე, ჯოხაძე 2006 წელს, "ციხის ბუნტის" დროს ის იყო ე.წ. კრიტის ე.წ. მაყურებელი და "ციხის ბუნტის" ერთ-ერთი ორგანიზატორი.

იხილეთ ვიდეო| პირველი რეპორტაჟი ვაკეში ჩაცხრილვის ადგილიდან - რა დაინახა თვითმხილველმა ტრაგედიის მომენტში

მოგვიანებით, წულუკიანმა აღნიშნა, რომ ის კრიმინალებთან არ მეგობრობს და ინტერნეტში გავრცელებულ ფოტოზე შემდეგი კომენტარი გააკეთა: "ეს ფოტო არის ამოჭრილი დიდი ფოტოდან, სადაც ჩვენი მონაზონის სულიერი შვილები ვიყავით ჩაის დასალევად შეკრებილი. მე დღესაც "ვიძიებ", თუ საიდან მოხვდა ეს დაჭრილი ფოტო იქ, სადაც მოხვდა, და ამაზე ცალკე გადაცემა იქნება, ალბათ, საჭირო", - განაცხადა თეა წულუკიანმა.

ძმები ჯოხაძეების სახელი 2005 წელს ვაკის საცურაო აუზთან მომხდარ ტრაგედიაშიც ფიგურირებს. გავრცელებული ინფორმაციით, პლეხანოველ და საბურთალოს "საძმოებს" შორის დაპირისპირებას ახალგაზრდა ცოლ-ქმარი ემსხვერპლა - დავით ზირაქიშვილი და ნათია მთავრიშვილი ვაკის საცურაო აუზთან საკუთარ ავტომობილში ჩაცხრილეს. 2005 წელს სამართალდამცველები ამბობდნენ, რომ მკვლელობა ჯოხაძეებზე შურისძიების მიზნით მოხდა.

რაც შეეხება სოსო ჯოხაძის ძმას, ის ე.წ კრიმინალური ავტორიტეტი გიორგი ჯოხაძეა, რომელიც ოთხჯერაა ნასამართლევი. ის შსს-მ 2013 წლის 13 აგვისტოს დააკავა ცეცხლსასროლი იარაღის უკანონო შეძენა-შენახვის და პოლიციისათვის წინააღმდეგობის გაწევის ბრალდებით. შსს-ს ცნობით, დაკავებისას მან პოლიციელებს ფიზიკური წინააღმდეგობა გაუწია და სიტყვიერი შეურაცხყოფა მიაყენა. ბრალდებულის პირადი ჩხრეკისას "მაკაროვის" სისტემის ცეცხლსასროლი იარაღი ერთი მჭიდით და 8 საბრძოლო ვაზნით ამოიღეს, ხოლო ჩატარებული საგამოძიებო მოქმედების შედეგად, მისი კუთვნილი "აუდის" მარკის ავტომანქანიდან ცეცხლსასროლი იარაღი "ზიგზაუერი", 3 მჭიდი და 42 საბრძოლო ვაზნა ამოიღეს.
03:20 / 23-01-2017
giorgi
0
სჰენი სული გაანატლოს გმერტმა.ცჰენიდზმა იქნები ყოველტვის
13:53 / 03-01-2017
ს.ს.
0
ეს ახალგაზრდა კაცი ღმერთმა გაანათლოს და შეუნდოს,რაც შეეხება ქალბატონ მინისტრს გიორგი კანდელაკი რა უფლებით ლაპარაკობს მაგათმა თავიანთი მინისტრები მოიკითხონ გვამები მომიტანეს რო ითხოვენ და ხმა ჩაიგდონ,მინდა რო 9 წლიანი უბედურების ჩამდენი ხალხი დაისაჯონ მაქსიმალური სიმკაცრით რომ სხვას აღარასდროს გაუჩნდეს იგივეს გაკეთების სურვილი.
მსგავსი სიახლეები
აბაშიძის ქუჩაზე გადაღებული ფოტოსურათი, რომელზეც მანქანა არის ამობრუნებული
+VIDEO "112-ში შემოვიდა შეტყობინება, რომ მამაკაცი, სავარაუდოდ, გადმოხტომას ცდილობს"
გოგონა სასწრაფო დახმარების ბრიგადამ საავადმყოფოში გადაიყვანეს
შსს-ს ინფორმაციით, ახალგაზრდამ სამართალდამცველებს შეურაცხყოფა მიაყენა, რაც შესაბამისი ფაქტებით არის დადასტურებული
"ფაქტი გამაოგნებელია: მანქანა, რომლის მოძრაობამაც ამ ქალის აღშფოთება და შიში გამოიწვია, აღმოჩნდა თავად პატრულის"
ჩვენი წყაროს ცნობით, მანქანაში, საიდანაც ცეცხლი გახსნეს, პრეზიდენტის სიძის, მინდია გოგოჭურის მეგობრები ისხდნენ
1910 წელს გამოქვეყნებულ წერილში, ვაკელები ქალაქის გამგეობისგან მოითხოვენ
დაშავდა სასწრაფო დახმარების ეკიპაჟის 4 წევრი
"რენჯ-როვერის" მძღოლმა მანქანა მიატოვა და გაიქცა
ამ კატეგორიის სხვა სიახლეები
20:19 / 22-11-2017  Image "სერიოზული ჯგუფი იყო, მაგრამ მძევლები აყვანილი არ ჰყოლიათ" - სუს-ის უფროსი განმარტავს, რატომ გაგრძელდა სპეცოპერაცია თითქმის 20 საათი
"პირველ რიგში მინდა მივუსამძიმრო დაღუპულის ოჯახს, ის იყო სახელმწიფო უსაფრთხოების სამსახურის
22:43 / 22-11-2017  Image გაბრიელ სალოსის ქუჩაზე ჩატარებულ სპეცოპერაციას "ფეისბუქზე" ეხმაურებიან
"არ მოსულა სახალხო ღლიცინი მაშინ, როცა შენს ქალაქში ტერორისტები ისვრიან!"
20:26 / 22-11-2017  Image ავღანეთში საქართველოს შეიარაღებული ძალების სამი სამხედრო მოსამსახურე დაიჭრა
III ქვეითი ბრიგადის 31-ე ქვეითი ბატალიონის სამხედრო მოსამსახურეების მაიორ პაპუნა ხორავას
18:23 / 22-11-2017  Image ეროვნულმა ბანკმა ლარის ახალი კურსი დაადგინა
ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად აშშ
13:37 / 22-11-2017  Image 48 წლის ვიქტორია გვიმხელს, თუ როგორ შეიძლება ყველა ქართველმა ისწავლოს ინგლისური ძალისხმევის გარეშე!
გაიგეთ, თუ როგორ შეგიძლიათ ისწავლოთ ინგლისური სწრაფად და მარტივად
პოპულარული კომენტარები
ინტერნეტკონფერენცია
2017-10-15 07:45:43
ბავშვის აღზრდა რთული და ხანგრძლივი...
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49