ყიფშიძის ქუჩაზე მომხდარ მკვლელობაში ბრალდებული პირის ვინაობა დადგენილია

შინაგან საქმეთა სამინისტროს ინფორმაციით, ყიფშიძის ქუჩაზე მომხდარ მკვლელობაში ბრალდებული პირის ვინაობა დადგენილია.

როგორც Ambebi.ge-ს უწყების პრესსამსახურში განუცხადეს, მის დასაკავებლად ოპერატიულ-სამძებრო ღონისძიებები მიმდინარეობს.

რამდენიმე საათის წინ ყიფშიძის ქუჩაზე კლიენტმა პროფილაქტიკის თანამშრომელს, რამაზ მჭედლიშვილს ესროლა. დაჭრილი საავადმყოფოში, ოპერაციის დროს გარდაიცვალა. მას ჭრილობა გულ-მკერდის არეში ჰქონდა მიყენებული. ყიფშიძის ქუჩაზე მომხდარ შემთხვევაზე გამოძიება 108-ე პრიმა (განზრახ მკვლელობა) და 236-ე (ცეცხლასროლი იარაღის უკანონოდ შეძენა-შენახვა-ტარება) მუხლებით დაიწყო.