ტყიბულის მუნიციპალიტეტის გამგეობის საფინანსო სამსახურის ერთ-ერთი კაბინეტიდან კომპიუტერი მოიპარეს, რომელშიც, სავარაუდოდ, საფინანსო სამსახურის სამუშაო დოკუმენტაცია ინახებოდა.
ქურდობის ფაქტს ტყიბულის გამგეობაში ადასტურებენ და აცხადებენ, რომ აღნიშნულის შესახებ მათ სამართალდამცავ ორგანოებს მიმართეს.
ქურდობის ფაქტს შინაგან საქმეთა სამინისტროშიც ადასტურებენ. შსს-ს პრესსამსახურის ინფორმაციით, გამოძიება სისხლის სამართლის კოდექსის 177-ე მუხლით მიმდინარეობს, რაც ქურდობას გულიხმობს და აქტიური საგამოძიებო მოქმედეები ტარდება.