რუსთავში მშენებელთა ქუჩაზე, მე-2 საჯარო სკოლასთან ავტოსაგზაო შემთხვევა მსხვერპლით დასრულდა. წინასწარი ინფორმაციით, გადაჭარბებული სიჩქარით მიმავალი "მერსედესის" მარკის ავტომანქანა გზის სავალი ნაწილიდან გადავიდა და გარეგანათების ბოძს შეეჯახა.
ავარიის შედეგად ორი ახალგაზრდა მამაკაცი ადგილზე გარდაიცვალა, მესამე კი მძიმე მდგომარეობაში საავადმყოფოშია გადაყვანილი.