"კრწანისის" სამხედრო ბაზაზე გარდაცვლილის მამამ პოზიცია შეიცვალა - რომან შენგელია გამოძიებას ენდობა

"კრწანისის" სამხედრო ბაზაზე გარდაცვლილის მამამ პოზიცია შეიცვალა - რომან შენგელია გამოძიებას ენდობა

გამოძიება ნორმალურად მიმდინარეობს და მე ჯერჯერობით მას ნდობას ვუცხადებ, - ამის შესახებ ჟურნალისტებს "კრწანისის" სამხედრო ბაზაზე გარდაცვლილი გიგა შენგელიას მამამ რომან შენგელიამ განუცხადა, რომელიც სამხედრო პოლიციაში გამოკითხვაზე იმყოფებოდა.

მისი თქმით, გამოძიება ძირითადად მისი მეორე შვილის ადგილსამყოფელით არის დაინტერესებული. შენგელიას განცხადებით, მან გამოძიებას მიაწოდა ინფორმაცია ორ გაქცეულ პირთან დაკავშირებითაც, თუმცა, ჟურნალისტებთან კონკრეტიკისგან თავი შეიკავა.

"მკითხეს, რა ვიცი ჩემს მეორე შვილზე. მე მათ ვუთხარი, რომ არ მაქვს ინფორმაცია მისი ადგილსამყოფელის შესახებ. ასევე, მივაწოდე ინფორმაცია, რომ ორ გაქცეულ პირთან მქონდა სატელეფონო კომუნიკაცია. თქვენთან სხვა დეტალებზე ვერ ვისუბრებ, თუმცა გამოძიებას ყველა კითხვაზე გავეცი პასუხი. საუბარი ასევე იყო ბაზაზე შესვლასთან დაკავშირებით და თუ სად მოკლეს ჩემი შვილი. ახლა ნორმალურად მიმდინარეობს გამოძიება. ჯერჯერობით მათ ნდობას ვუცხადებ", - განაცხადა რომან შენგელიამ.

კითხვაზე - ჩაატარებს თუ არა ოჯახი დამოუკიდებელ ექსპერტიზას, გარდაცვლილის მამა აცხადებს, რომ ის დაელოდება გამოძიების მიმდინარეობას. მისივე თქმით, ჯერჯერობით უცნობია, მოხდება თუ არა ოჯახის სხვა წევრების გამოკითხვა.

დაპირისპირება თბილისის ცენტრში - რამდენიმე მამაკაცი ფიზიკურად გაუსწორდა

"სათამაშო ბიზნესი "ქართულ ოცნებაში" ე.წ. შავ სალაროს ავსებს" - ვინ მფარველობს ონლაინკაზინოებს?

პოლიციელებმა 35 წლის მამაკაცის გატაცებაში ფული აიღეს? - რა ახალ დეტალებს ამჟღავნებს "კურიერი" რუსთავში მომხდარი მკვლელობის შესახებ