კვირის ყველაზე კითხვადი სტატიები
თვის ყველაზე კითხვადი სტატიები
15:52 / 07-02-2017
"გადაათრიეს მანქანიდან, დააგდეს ასფალტზე, მიაყენეს ფიზიკური შეურაცხყოფა" - სამართალდამცველებმა ადვოკატი ორსული მეუღლის თვალწინ სცემეს?
"საქართველოს ადვოკატთა ასოციაციის" თავმჯდომარე ზაზა ხატიაშვილი ადვოკატ ალექსანდრე ფირცხალაიშვილის მიმართ განხორციელებულ ძალადობის ფაქტთან დაკავშირებით განცხადებას ავრცელებს.

ამასთან, თავმჯდომარე ხვალ, პარიზში, საქართველოს საელჩოს წინ, ფრანგ ადვოკატებთან ერთად გააპროტესტებს ქართველ ადვოკატებზე განხორციელებულ ძალადობის ფაქტებს, მათ შორის, ადვოკატ ალექსანდრე ფირცხალაიშვილის მიმართ "პოლიციის მუშაკების მხრიდან ჩადენილი არაჰუმანური და არაადამიანური მოპყრობის ფაქტს".

"ადვოკატთა ასოციაციის თავმჯდომარეს" მიაჩნია, რომ ადვოკატი ალექსანდრე ფირცხალაიშვილი გახდა პოლიციის მუშაკების მხრიდან არაჰუმანური და არაადამიანური მოპყრობის მსხვერპლი, რასაც ხელი შეუწყო პროკურატურის "დანაშაულებრივმა უმოქმედობამ". ზაზა ხატიაშვილი საპატრულო პოლიციის თანამშრომლების - აკაკი ყურაშვილის, ნიკოლოზ ბოჭორიშვილის, გიორგი ჯოხაძის, დავით ფოცხვერაშვილის წინააღმდეგ სისხლის სამართლის დევნის დაწყებას მოითხოვს.

ზაზა ხატიაშვილის განცხადებას უცვლელად გთავაზობთ:

"გაოგნებული ვარ სამართლიანობის ლოზუნგით მოსული ხელისუფლების მიერ ადვოკატების დევნით, ცემით, დაშინებით და შეურაცხყოფით. რაც არის აღმაშფოთებელი ფაქტი და მიუთითებს სახელმწიფოს ნებას შექმნას ქვეყანაში რეჟიმი.

2016 წლის 21 დეკემბერს, დაახლოებით საღამოს 19:40 საათზე 8 თვის ორსულ მეუღლესთან ერთად მყოფ ადვოკატ ალექსანდრე ფირცხალაიშვილს საპატრულო პოლიციის თანამშრომლებმა, მაიორმა აკაკი ყურაშვილმა და მასთან ერთად მყოფმა 3-4 პატრულის თანამშრომელმა მიაყენა სიტყვიერი და ფიზიკური შეურაცხყოფა, ადვოკატი განმარტავს, რომ იძულებით გადაათრიეს მანქანიდან, დაგდეს ასფალტზე პირქვე და მიაყენეს სიტყვიერი და ფიზიკური შეურაცხყოფა, რის შემდეგაც იძულებით ამოუგრიხეს ხელები, დაადეს ხელბორკილი და დააკავეს. ადვოკატი აღრმოჩნდა საშინელ მდგომარეობაში მისი მეუღლე გახდა შეუძლოდ ვინაიდან იყო 8 თვის ფეხმძიემე. ქალბატონი ეხვეწებოდა პოლიციის თანამშრომლებს, რომ მისი მეუღლისთვის დაენებებინათ თავი. ეუბნებოდა, რომ ორსულად იყო. ასევე ნიშანდობლივია ის ფაქტი, რომ ქუჩაში მათ ელოდებოდათ 11 წლის არასრულწოვანი ქალიშვილი. ამის შემდეგ, პატრულის თანამშრომლებმა წაიყვანეს ადვოკატი იქვე სანაპიროზე, "ვისოლის" ბენზინგასამართ სადგურზე, სადაც გააჩერეს 20-30 წუთი და გადაიყვანეს კახეთის გზატკეცილზე საპატრულო პოლიციის ეზოში.

ადვოკატი რამდენიმე საათი ითხოვდა შენობაში გადაყვანას და ხელბორკილის შეხსნას, ასევე ტელეფონით ზარის განხორციელებას, თუმცა უშედეგოდ. პირიქით, ყურაშვილი უხსნიდა და არიგებდა თავის თანამშრომლებს საჭიროების შემთხვევაში სად და როგორ უნდა ეთქვათ. ამის შემდეგ შეადგინეს ოქმი (ადმინისტრაციული დაკავების ოქმი # აო 000015513), რომელშიც დაფიქსირდა, რომ ადვოკატმა სიტყვიერი შეურაცხყოფა მიაყენა პატრულს, რასაც ადვოკატი არ დაეთანხმა და დაემუქრა სამაართლებრივი პროცედურების განხორცილებით ოქმის შედგენის დროს.

ადვოკატი ალექსანდრე ფირცხალაიშვილი გადაყვანილი იქნა დროებითი მოთავსების იზოლატორში, სადაც დააფიქსირა არსებული დაზიანებების შესახებ ინფორმაცია. მეორე დღეს, დაახლოებით 12 საათისთვის უკანონოდ დაკავებული ადვოკატი გადაიყვანეს დიღომში დაცვის პოლიციის დეპარტამენტის ეზოსთან, სადაც გააჩერეს დაახლოებით ერთი საათი. პირდაპირ ცინიკურია, რომ ადვოკატთან მივიდა აკაკი ყურაშვილი, რომელმაც წინა დღეს მიაყენა მას ფიზიკური და სიტყვიერი შეურაცხყოფა. ალექსანდრე ფირცხალაიშვილმა მიმართა ყურაშვილს, რომ უსამართლობას
და კანონდარღვევას არ აპატიებდა და კანონის სრული სიმკაცრით მოითხოვა მისი დასჯა. ამის გაგონებაზე ყურაშვილმა ამოიღო უკვე ახალი ადმინისტრაციული სამართალდარღვევის ოქმი#000020444, რომელშიც ჩაამატა, რომ თითქოსდა ადვოკატმა მიაყენა ფიზიკური და სიტყვიერი შეურაცხყოფა, რაც დაადასტურა სასამართლოს სხდომაზე. სასამართლომ ყურაშვილს კამერების ჩანაწერები მოსთხოვა. ყურაშვილის განმარტებით, არც ერთ პატრულის თანამშრომელს არ ჰქონდა ჩართული კამერა.

აღნიშნული აბსურდული ვერსია სასამართლომ არ გაითვალისწინა და მისცა ადვოკატს მხოლოდ სიტყვიერი შენიშვნა, თანახმად ასკ-ის 173-ე მუხლისა. სხდომის დარბაზიდან გამოსვლის დროს, საქმეში ერთვება სხვა საპატრულო პოლიციის თანამშრომელი, გამომძიებელი და აპირებდნენ ადვოკატის ხელახლა დაკავებას მიუხედავად იმისა, რომ აღნიშნულზე უკვე იმსჯელა სასამართლომ პოლიცია ამეტებდა უფლებამოსილებას, რომ არა მანდატურების კანონშესაბამისი მოქმედება ადვოკატს ხელმეორედ დააკავებდენენ. 2016 წლის 26 დეკემბერს ადვოკატმა ალექსანდრე ფირცხალაიშვილმა განცხადებით მიმართა თბილისის პროკურატურას და მოითხოვა აღნიშნულ ფაქტზე აკაკი ყურაშვილის და სხვათა მიმართ სისხლის სამართლის საქმის აღძვრა და კანონის სრული სიმკაცრით დასჯა. პროკურატურამ პოლიციელების დასჯის ნაცვლად მიიღო სამარცხვინო გადაწყვეტილება და ბრალი წაუყენა ადვოკატს.

ჩემი შეფასებით, სახეზე გვაქვს პროკურატურის დანაშაულებრივი ქმედება, რასაც ადგილი ჰქონდა, ისეთ ქვეყნებში სადაც იყო რეჟიმი და განუკითხაობა სუფევდა, პროკურატურის ამგვარი ძალმომრეობა ფიქსირდებოდა საბჭოურ ქვეყნებში, რაც წარმატებით იქნა გადმოღებული სააკაშვილის და ივანიშვილის რეჟიმის პირობებში. "ადვოკატთა ასოციაციის" თავმჯდომარე იმიტომ ვითხოვდი დამნაშავე პროკურორების დაკავებას, რომ დარწმუნებული ვიყავი ეს ხალხი არ მოიშლიდა უმსგავსობას და გააგრძელებდა სამოქალაქო საზოგადოების დევნას. პროკურატურას, ასე ეზიზღებოდეს საკუთარი მოქალაქეები, რასაც ადგილი აქვს საქართველოში, ეს არის ჩვემთვის სიურპრიზი. ჩვენი ქვეყანა 14 წელია იტანს უმსგავსო პროკურორებს, რაც ჩვენი ქვეყნის სირცხვილია.

მოქმედი ხელისუფლების პირობებში ეს არის ადვოკატის შეურაცხყოფის კიდევ ერთი ფაქტი. საშინელებაა რასაც სამარათლდამცავები აკეთებენ, როდესაც ადვოკატს ასეთი ფორმებით უსწორდებიან ძნელი მისახვდერი არ არის რას უკეთებენ პოლიციის მუშაკები ჩვეულებრივ მოქალაქეს.

სამარცხვინოა პროკურატურის მოქმედება, რომელიც ნაცვლად იმისა, რომ ჩატარდეს ეფექტური გამოძიება, ყველანაირად ცდილობენ სავარაუდოდ დამნაშავე პოლიციელების გამართლებას. ადვოკატი ალექსანდრე ფირცხალაიშვილი პოლიციელებს 4 საათის განმავლობაში ხელბორკილებით დაბმული, უკანონოდ ჰყავდათ დაკავებული, სანამ გადაიყვანდნენ დროებითი დაკავების იზოლატორში. სასამართლოში პოლიციამ არ წარმოადგინა კამერის ჩანაწერები ადვოკატის მხრიდან უკანონო ქმედებების თაობაზე, რაც ადასტურებს ადვოკატის განცადებას, რომ მას თავს დაესხა პოლიცია. ისმის კითხვა,- რაში გვჭირდება ასეთი პოლიცია? შეიძლება იმ პოლიციელებს გადავუხადოთ ხელფასი, რომელიც გვაწამებს და გვდევნის? საქართველოში პოლიცია ნელ-ნელა ემსგავსება არაფორმალურ ორგანიზაციას, რომელიც საკუთარი კანონებით მოქმედებს და არ აინტერესებს არანარი სამართლის ნორმები, რაშიც მას ეხმარება "სამარცხვინო პროკურატურა", რაც არის ამ ქვეყნის სამართლებრივი განვითარების დასასრული.

ხვალ, 8 თებერვალს, პარიზში, საქართველოს საელჩოს წინ, ადვოკატთა ასოციაციის თავმჯდომარე და ფრანგი ადვოკატები გავაპროტესტებთ ქართველ ადვოკატებზე განხორციელებულ ძალადობის ფაქტებს, მათ შორის ადვოკატ ალექსანდრე ფირცხალაიშვილის მიმართ პოლიციის მუშაკების მხრიდან ჩადენილი არაჰუმანური და არაადამიანური მოპყრობის ფაქტს.

ადვოკატთა ასოციაციის თავმჯდომარეს მიმაჩნია, რომ ადვოკატი ალექსანდრე ფირცხალაიშვილი გახდა პოლიციის მუშაკების მხრიდან არაჰუმანური და არაადამიანური მოპყრობის მსხვერპლი, რასაც ხელი შეუწყო პროკურატურის დანაშაულებრივმა უმოქმედობამ.

მოვითხოვ, საპატრულო პოლიციის თანამშრომლების აკაკი ყურაშვილის, ნიკოლოზ ბოჭორიშვილის, გიორგი ჯოხაძის, დავით ფოცხვერაშვილის წინააღმდეგ სისხლის სამართლის დევნის დაწყებას, ადვოკატ ალექსანდრე ფირცხალაიშვილის მიმართ განხორციელებული არაჰუმანური და არაადამიანური მოპყრობის გამო", - ნათქვამია ზაზა ხატიაშვილის გავრცელებულ განცხადებაში.
12:23 / 15-02-2017
ლაშა
0
როდესაც ადვოკატს ასე სამარცხვინოდ უსწორდებიან წარმოიდგინეთჩეულებრივ მოქალაქეს რაღას უზავენ!! ეს პოლიციელები სამაგალითოდ უნდა დაისაჯონ
14:39 / 08-02-2017
იროზნა
0
პოლიციელთა მოქმედებას ერთი, ფრიად საეჭვო გარემოება ახლავს თან. თუ ადვოკატის მხრიდან გამოვლენილი ძალადობის აღკვეთას დაუპირისპირეს მათ ძალადობა,სწორედ ასეთი მდგომარეობის დაფიქსირებისათვის აქვთ მათ წინა მხარზე დამაგრებული ვიდეო თვალი. ის გარემოება, რომ, არცერთ პოლიციელს აღნიშნული ინციდენტის დროს ჩართული არ ქონდა ვიდეოთვალი, ადასტურებს არა ადვოკატის, არამედ სწორედ მათი მხრიდან გამოვლენილი ძალადობის ფაქტს!
მსგავსი სიახლეები
"ის ყოველდღე უფრო და უფრო დეპრესიული ხდება"
+VIDEO "მაგდამ ამიხსნა, ისედაც მომაკერეს ქმარ-შვილის მკვლელობა და აღარაფერს ვჩივივარო.."
ოთარ აბესაძეს ბრალს ოფიციალურად, სავარაუდოდ, დღეს წაუყენებენ
"ჯერ კონკრეტულად ამ საქმეზე ადვოკატი არ ვარ და ზუსტად არ ვიცი ვიქნები თუ არა"
"გვაქვს დოკუმენტაცია, რომ მამა გიორგი მამალძემ საქართველოში ვერ გაიკეთა ოპერაცია"
"მამა გიორგიმ დამაბარა მხოლოდ ერთი ფრაზა: ირაკლი მამალაძე არის მისი გარე ბიძაშვილი და მისი უახლოესი მეგობარი"
ამ კატეგორიის სხვა სიახლეები
22:48 / 22-09-2017  Image ლვოვის სასამართლომ მიხეილ სააკაშვილთან დაკავშირებით გადაწყვეტილება გამოაცხადა
+VIDEO მოსამართლის გადაწყვეტილებით მიხეილ სააკაშვილი ცნობილია დამნაშავედ
19:04 / 22-09-2017  Image "იქაც, უფლის საუფლოში ჩემი უფროსი გოგო მელოდება" - ქართველ მსახიობს გადასარჩენად საზოგადოების დახმარება ესაჭიროება
გორის თეატრის მსახიობი მაიკო ტურაშვილი მძიმე დაავადებას, მკერდის კიბოს ებრძვის
16:59 / 22-09-2017  Image რა ღირს სახლის მშენებლობა თბილისსა და მის შემოგარენში?
მშენებლობის დაწყებას ძალიან ბევრი სირთულე და უამრავი ნიუანსი ახლავს, რომლის გათვალისწინებაც აუცილებელია.
13:47 / 22-09-2017  Image ვისი აგენტი იყო ერნესტ ჰემინგუეი? - მწერლის საიდუმლო ცხოვრების დეტალები
როგორ გადაიბირა საბჭოთა НКВД-მ ერნესტ ჰემინგუეი
14:44 / 22-09-2017  Image "რუსკას 1400 ლარი ჰქონდა ხელფასი და იმასაც ვერ აძლევდნენ" - რას პასუხობს ნიკა გვარამიას თამარ მაყაშვილი
"გვარამია ბევრს რომ ლაპარაკობს და ყველას ჰგონია..."
ინტერნეტკონფერენცია
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49