გუკა რჩეულიშვილი მოსამართლეს - რამე რომ არასწორად წავიდეს ჩემი მეუღლის მშობიარობის დროს, თქვენ დაგადანაშაულებთ

გუკა რჩეულიშვილი მოსამართლეს - რამე რომ არასწორად წავიდეს ჩემი მეუღლის მშობიარობის დროს, თქვენ დაგადანაშაულებთ

რამე რომ არასწორად წავიდეს ჩემი მეუღლის მშობიარობის დროს, თქვენ დაგადანაშაულებთ, - ასე მიმართა "ცენტრ პოინტის" საქმეზე ბრალდებულმა, კომპანიის სამეთვალყურეო საბჭოს თავმჯდომარე გუკა რჩეულიშვილმა მოსამართლე მაია შოშიაშვილს.

მაია შოშიაშვილმა არ დააკმაყოფილა დაცვის მხარის შუამდგომლობა და გუკა და მაია რჩეულიშვილებისათვის აღკვეთის ღონისძიების სახე - პატიმრობა ძალაში დატოვა. პროცესის დასრულების შემდეგ მოსამართლეს გუკა რჩეულიშვილმა მიმართა.

"ციხეში ყოფნა არანაირი პრობლემა არ არის ჩემთვის, თუმცა რამე რომ არასწორად წავიდეს ჩემი მეუღლის მშობიარობის დროს, თქვენ დაგადანაშაულებთ", - განაცხადა გუკა რჩეულიშვილმა.

მანამდე ბრალდებულმა რეპლიკის დროს მოსამართლეს სიტყვით მიმართა და სთხოვა, რომ აღკვეთის ღონისძიების სახე - პატიმრობა შეეცვალა გირაოთი, რადგანაც მისი მეუღლე ორსულადაა და სურდა მეუღლის გვერდით ყოფილიყო.

"ჩემი მეუღლე ორსულადაა, მეოთხე მშობიარობაა. არ მეთაკილება და გთხოვთ, გაითვალისწინოთ და გამათავისუფლოთ, რათა მის გვერდით ვიყო", - განაცხადა გუკა რჩეულიშვილმა სასამართლო პროცესზე საკუთარი რეპლიკის დროს.

დაპირისპირება თბილისის ცენტრში - რამდენიმე მამაკაცი ფიზიკურად გაუსწორდა

"სათამაშო ბიზნესი "ქართულ ოცნებაში" ე.წ. შავ სალაროს ავსებს" - ვინ მფარველობს ონლაინკაზინოებს?

პოლიციელებმა 35 წლის მამაკაცის გატაცებაში ფული აიღეს? - რა ახალ დეტალებს ამჟღავნებს "კურიერი" რუსთავში მომხდარი მკვლელობის შესახებ