თელავის რაიონის სოფელ ყარაჯალაში ყაჩაღობა მოხდა. სამი ნიღბიანი ჯემალ ქამალოღლის საცხოვრებელი სახლში შეიჭრა. მძარცველებმა 500 ლარამდე თანხა და სანადირო თოფი წაიღეს, ოჯახის უფროსს კი ფიზიკური შეურაცხყოფა მიაყენეს.
სამართალდამცველებმა სამი ეჭვმიტანილი "ცხელ კვალზე" დააკავეს და წინასწარი მოთავსების იზოლატორში გადაიყვანეს. დაკავებულები ამავე სოფლის მცხოვრებლები არიან. საქმეზე გამოძიება 179-ე მუხლით მიმდინარეობს, რაც ყაჩაღობას გულისხმობს.