ბათუმის მოვლენებთან დაკავშირებით სამართალდამცველებმა კიდევ 3 პირი დააკავეს. როგორც "ინტერპრესნიუსს" შინაგან საქმეთა სამინისტროში განუცხადეს, სისხლის სამართლის საქმე სსკ-ის ორი მუხლით აღიძრა: 225 -ე მუხლი, რაც მასობრივ არეულობას გულისხმობს და 353-ე პრიმა მუხლი, რაც პოლიციელზე ან ხელისუფლების სხვა წარმომადგენელზე ან საჯარო დაწესებულებაზე თავდასხმას გულისხმობს.
ბათუმში განვითარებულ მოვლენებთან დაკავშირებით რამდენიმე ათეული პირი იყო დაკავებული, თუმცა მათი უმეტესობა ჯარიმის საფუძველზე გაათავისუფლეს. ისინი ადმინისტრაციული წესით იყვნენ დაკავებული, ხოლო სისხლის სამართლის ბრალდებით დაკავებულ 15 პირს წინასწარი პატიმრობა შეეფარდა, მათ შორს ერთი არასრულწლოვანა.