"კამერებში ჩანს, რომ მაღალმა, გამხდარმა მამაკაცმა ესროლა" - ტყიბულში მაღაროსთან მკვლელობას ადგილობრივები ანგარიშსწორებას უკავშირებენ

"კამერებში ჩანს, რომ მაღალმა, გამხდარმა მამაკაცმა ესროლა" - ტყიბულში მაღაროსთან მკვლელობას ადგილობრივები ანგარიშსწორებას უკავშირებენ

მკვლელობა მოხდა ტყიბულში. 1969 წელს დაბადებული შალვა მეიფარიანი მინდელის შახტასთან გარდაცვლილი იპოვეს. მას ჭრილობები ცეცხლსასროლი იარაღით აქვს მიყენებული.

შალვა მეიფარიანის მკვლელობას ადგილობრივები ანგარიშსწორებას უკავშირებენ. წარსულში ის არაერთხელ იყო ნასამართლევი. AMBEBI.GE გარდაცვლილის ახლობელს ესაუბრა, რომელმაც ვინაობის გამხელა არ ისურვა.

- შალვა გუშინ ღამე მოკლეს, დაახლოებით 1-ელის 15 წუთზე, სამსახურში მიდიოდა, როცა მანქანიდან გადმოვიდა ვიღაცამ ესროლა, ერთი ტყვია ფილტვში მოხვდა, ეტყობა იფიქრა ბიჭებამდე მივაღწევო და სროლის შემდეგ სცადა, შახტის შენობისკენ გადაადგილება, რა დროსაც მეორედ ესროლა თავდამსხმელმა და ის ტყვია გულში მოხვდა. ადგილზე დაიღუპა. ბიჭები როცა გამოცვივდნენ, არაფერი დაუნახავთ, კამერების ჩანაწერები ამოიღეს, უხარისხო ჩანაწერებია, მაგრამ კამერებში ჩანს, რომ მაღალმა, გამხდარმა მამაკაცმა ესროლა და გაიქცა.

- ამბობენ, რომ ანგარიშსწორების გამო მოკლეს...

- ტყიბულში ყველამ იცის მისი ცხოვრება, არაერთხელ არის ნასამართლევი. მაგრამ ბოლოს სულ სხვა ცხოვრებით ცხოვრობდა. ორი წლის წინ ცოლიც მოიყვანა, ანა მასურაშვილი, რომელიც თბილისში გაიზარდა, მანდ ფარმაცევტად მუშაობდა. ორი წელი ბედნიერი ოჯახი ჰქონდათ, შახტაშიც დაიწყო მუშაობა. ამბობდა ძველი ცხოვრება აღარ მინდაო და ახალი ცხოვრებით ცხოვრობდა. ვერაფერს ვიტყვი ანგარიშსწორებაზე, ბოლოს 17 წლის წინ გამოვიდა ციხიდან და ვის რა ანგარიშსწორება უნდა ჰქონოდა? ფაქტი ერთია, რომ ბოლო სამი დღე ძალიან გაღიზიანებული იყო. ეტყობა, იცოდა რაღაც, ან ელოდებოდა ამას და ამიტომაც იყო ასეთ მდგომარეობაში.

AMBEBI.GE

დაპირისპირება თბილისის ცენტრში - რამდენიმე მამაკაცი ფიზიკურად გაუსწორდა

"სათამაშო ბიზნესი "ქართულ ოცნებაში" ე.წ. შავ სალაროს ავსებს" - ვინ მფარველობს ონლაინკაზინოებს?

პოლიციელებმა 35 წლის მამაკაცის გატაცებაში ფული აიღეს? - რა ახალ დეტალებს ამჟღავნებს "კურიერი" რუსთავში მომხდარი მკვლელობის შესახებ