დიღომში, რესტორან "ჭაშნაგირთან" დილიდან პოლიცია მუშაობს. ტერიტორია სპეციალური ამკრძალავი ლენტითაა შემოსაზღვრული. შემოსაზღვრულია "მერსედესის" მარკის ტაქსი და საექსპერტო-კრიმინალისტიკური სამსახურის წარმომადგენლები სამუშაოებს სწორედ აღნიშნულ ავტომანქანაში ახორციელებენ.
როგორც შინაგან საქმეთა სამინისტროში აცხადებენ, "ჭაშნაგირთან" საპატრულო პოლიციის მუშაობა ყაჩაღობას უკავშირდება. როგორც "ინტერპრესნიუსს" შსს-ში განუცხადეს, აღნიშნულ რესტორანთან ტაქსი დააყაჩაღეს.
მათივე ინფორმაციით, გამოძიება "სისხლის სამართლის კოდექსის" 179-ე მუხლით დაიწყო, რაც სწორედ ყაჩაღობას გულისხმობს.
"მიმდინარეობს საგამოძიებო მოქმედებები", - აღნიშნეს უწყებაში.