სანაპიროზე მომხდარ ავარიაში, რომელსაც ორი ადამიანი ემსხვერპლა, პოლიციის ავტომანქანაც დაზიანდა

მტკვრის მარცხენა სანაპიროზე მომხდარი ავტოსაგზაო შემთხვევის დროს პოლიციის ავტომანქანაც დაიმტვრა. როგორც "ინტერპრესნიუსს" შსს-ში განუხადეს, შსს-ს ავტომანქანა ორი ავტომობილის შეჯახების შედეგად დაზიანდა.

შსს-ში განმარტავენ, რომ პირველადი ინფორმაციით, ერთმანეთს "ბე ემ ვეს" და "მერსედესის" მარკის ავტომანქანები შეეჯახნენ, რის შემდეგაც ერთი ავტომობილი შსს-ს ავტომობილს შეეჯახა. შსს-ში ამ ეტაპზე არ საუბრობენ, რამდენი ადამიანი იმყოფებოდა შსს-ს კუთვნილ ავტომანქანაში და დაშავდა თუ არა ვინმე.

აღნიშნული ავარიის დროს ორი ადამიანი დაიღუპა და ორი დაშავდა.

როგორც "ინტერპრესნიუსს" საქართველოს შინაგან საქმეთა სამინისტროში განუცხადეს, მომხდართან დაკავშირებით გამოძიება სისხლის სამართლის კოდექსის 276-ე მუხლის მეშვიდე ნაწილით მიმდინარეობს, რაც სატრანსპორტო საშუალების მოძრაობის ან ექსპლუატაციის წესების დარღვევას გულისხმობს, რამაც ორი ან ორზე მეტი ადამიანის სიცოცხლის მოსპობა გამოიწვია.