ვანო ჯავახიშვილის კომენტარი დაკითხვიდან გამოსვლის შემდეგ

ვანო ჯავახიშვილმა დიღმის პოლიციის სამმართველო დატოვა. როგორც ჯავახიშვილმა ჟურნალისტებს განუცხადა, გამოკითხვაზე მას მარტივი კითხვები დაუსვეს მუქარასთან დაკავშირებით.

"გამომძიებლებს ჰქონდათ ძალიან მარტივი კითხვები, მუქარასთან დაკავშირებით თუ ყოფილა ოდესმე ზარები. მსგავსი ფაქტები ჩემს ცხოვრებაში არ ყოფილა. მსუბუქად ჩაიარა დაკითხვამ, ძალიან ზრდილობიანად გვესაუბრნენ. ალბათ ცოტა ხანში ემზარ კვიციანის დაკითხვაც იგეგმება. უფრო მეტი კითხვა ალბათ ემზარს ეკუთვნის, ვიდრე მე.

მე გამოძიების იმედი ყოველთვის მაქვს, შეიძლება მთელი ცხოვრება მქონდეს გამოძიების იმედი. გამოძიება არ არის არის დაწყებული. ეს არის ზედაპირული გამოკითხვაა ამ თემებთან დაკავშირებით. გამოძიება დაიწყება თუ არა, ეს უკვე სამართალდამცველების გადასაწყვეტია", - განაცხაა ჯავახიშლმა.

ადვოკატ დიტო საძაგლიშვილის ინფორმაციით, გამომძიებლებს აინტერესებდათ, ხომ არ განხორციელებულა რაიმე სახის კონტაქტი ვანო ჯავახიშვლთან, ხომ არ განხორციელებულა მასზე მუქარა, გარდა პოსტისა, რომელიც სოციალურ ქსელში გამოქვეყნდა.

"გამომძიებლებს აინტერესებდათ, ხომ არ განხორციელებულა რაიმე სახის კონტაქტი ვანო ჯავახიშვლთან, ხომ არ განხორციელებულა მასზე მუქარა, გარდა პოსტისა, რომელიც სოციალურ ქსელში გამოქვეყნდა. აღნიშნულზე მიიღეს პასუხი. რაც შეეხება გამოძიების მიმდინარეობას, რეალურად გამოძიება ჯერ არ არის დაწყებული. ეს გამოჩნდება ალბათ მას შემდეგ, რაც ემზარ კვიციანი იქნება გამოძახებული ან მას გაესაუბრებიან პოლიციის თანამშრომლები და გადაამოწმებენ, თუ რა ინფორმაციაზე დაყრდნობით საუბრობდა ის, როდესაც ვანო ჯავახიშვილის მოსალოდნელ მკვლელობას ახსენებდა", - განაცხადა ადვოკატმა დიტო საძაგლიშვილმა.

ნახეთ: ემზარ კვიციანის სკანდალური განცხადება: "ვინ შეიძლება იყოს მსხვერპლი სანაიასავით? ვფიქრობ, ვანო ჯავახიშვილი"