ოზურგეთში მოკლული ერთ-ერთი მამაკაცი შემოქმედელი მიტროპოლიტის მძღოლი იყო
ოზურგეთში ცოტა ხნის წინ მკვლელობა მოხდა. მოკლულია ორი მამაკაცი, რომლებიც ერთმანეთისთვის სიძე-ცოლის ძმა იყვნენ. არსებული ინფორმაციით, მამაკაცები მანქანაში ჩაცხრილეს. ვრცელდება ინფორმაცია, რომ ერთ-ერთი მათგანი ციხიდან ახალი გამოსული იყო.
მეორე მოკლული კი, სახელად დიმა ომელჩენკო შემოქმედელი მიტროპოლიტის, მეუფე იოსების მძღოლი იყო. აღნიშნულის შესახებ AMBEBI.GE-სთან საუბარში ომელჩენკოს მეგობარმა აღნიშნა.
"დიმა მეუფის გაზრდილია. ძალიან მძიმე ბავშვობა ჰქონდა და მეუფე პატრონობდა" - ამბობს ომელჩენკოს მეგობარი.
ომელჩენკოს გარდაცვალების გამო წუხილს გამოთქვამს შემოქმედის ეპარქიის პრესსამსახურის თანამშრომელი ხათუნა ცერცვაძე, რომელიც სოციალურ ქსელში ფოტოებს ავრცელებს წარწერით: "რა ბედნიერები ვიყავით...ჩემი საბრალო დიმიკოოოო".
არსებული ინფორმაციით, ერთ-ერთი გარდაცვლილი, გ. ფორცხიშვილი ე.წ. კანონიერი ქურდის შვილიშვილი იყო.
შემთხვევასთან დაკავშირებით აღძრულია საქმე. შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 109-ე მუხლით დაიწყო, რაც დამამძიმებელ გარემოებაში განზრახ მკვლელობას გულისხმობს.
თორნიკე გურული
დაპირისპირება თბილისის ცენტრში - რამდენიმე მამაკაცი ფიზიკურად გაუსწორდა
"სათამაშო ბიზნესი "ქართულ ოცნებაში" ე.წ. შავ სალაროს ავსებს" - ვინ მფარველობს ონლაინკაზინოებს?
