კვირის ყველაზე კითხვადი სტატიები
თვის ყველაზე კითხვადი სტატიები
13:36 / 26-07-2017
გერმანიაში ჩადენილი სასტიკი დანაშაულის დეტალები, რომლის გამოც ორ ქართველს სამუდამო პატიმრობა მიესაჯა
გერმანიაში ჩადენილი სასტიკი დანაშაულისთვის, ქუთაისის საქალაქო სასამართლომ 31 წლის გიორგი ჩხეიძეს უვადო პატიმრობა მიუსაჯა. საქმე ეხება გერმანიის მოქალაქის მკვლელობას, რომელშიც ჩხეიძესთან ერთად, საქართველოს კიდევ ერთი მოქალაქე - 40 წლის ნოდარ ძინძიბაძეც მონაწილეობდა. შემთხვევა 2013 წლის 23 ივნისს, ქალაქ ნიურნბერგში მოხდა და მთელი გერმანია შეძრა. "ამერიკის ხმა" განსაკუთრებული სისასტიკით ჩადენილი მკვლელობის დეტალებზე წერს:

"ყაჩაღები ელზასის ქუჩაზე, 85 წლის ანელიზ მორხუტის ბინაში ღია აივნიდან შევიდნენ, პენსიონერ ქალბატონს სცემეს, გაკოჭეს, პირი აუკრეს და საბანი შემოახვიეს. სახლიდან 2500 ევროიანი
"როლექსის" საათი, ფული და ოქროულობა გაიტაცეს. პოლიციამ მოხუცი ორი დღის შემდეგ გაგუდული აღმოაჩინა...", - წერს "ამერიკის ხმა", რომლის ინფორმაციითაც, კრიმინალურ შემთხვევას გერმანიაში დიდი გამოხმაურება მოჰყვა, მაგრამ დანაშაული ცხელ კვალზე ვერ გახსნეს - ყაჩაღებს ბინაში ანაბეჭდები არ დაუტოვებიათ.

გერმანული პოლიცია დანაშაულის გარშემო მუშაობას განაგრძობდა და მოგვიანებით გაირკვა, რომ მკვლელობის ადგილზე ორი უცნობი მამაკაცის ნერწყვის კვალი იპოვნეს. დამნაშავეების სავარაუდო დნმ-ის ნიმუშით, ანაბეჭდების დასადგენად, მასშტაბური ოპერაცია "ელზასი" 2013 წლის ზაფხულშივე დაიწყო და ორი წლის განმავლობაში მიმდინარეობდა.

"ადგილობრივმა პოლიციამ ნიურნბერგის სამხრეთ ნაწილში, 20-დან 40 წლამდე ასაკის, 1000-ზე მეტი ადამიანის ნერწყვის ანალიზი შეამოწმა," - წერს "ამერიკის ხმა".

გამოძიების კვალდაკვალ, სამართალდამცველებმა ინფორმაციისთვის ჯილდოდ, თავდაპირველად, 5000 ევრო დააწესეს, მოგვიანებით კი, თანხა გააორმაგეს. 2015 წლის მარტში, ნიურნბერგში აღმოჩენილი დნმ-ის ნიმუში, შვეიცარიის ეროვნულ ბაზაში დაცულ ერთ-ერთ დნმ-ის ნიმუშს დაემთხვა...

გაირკვა, რომ ის საქართველოს მოქალაქის, 1976 წელს დაბადებულ გიორგი ჩხეიძის დნმ-ის ნიმუში იყო, რომელიც შვეიცარიაში თავშესაფარს ითხოვდა. მას პასპორტი ღვალაძის გვარზეც ჰქონდა, მისი დაკავება მაშინ ვერ მოხერხდა... გერმანიის პოლიციამ ჩხეიძის გარემოცვისა და კავშირების შემოწმებაც დაიწყო, რა დროსაც მეორე დამნაშავე, ნოდარ ძინძიბაძეც იპოვეს, რომელიც იმ პერიოდში, იტალიაში ქურდობისთვის უკვე დაკავებული იყო და სასჯელს ფლორენციაში იხდიდა.

"ამერიკის ხმის" ინფორმაციით, გერმანიამ იტალიიდან ძინძიბაძის ექსტრადირება განახორციელა, 2016 წლის მაისში სასამართლომ მას უვადო პატიმრობა მიუსაჯა. ნიურნბერგის პოლიციის წარმომადგენელი, ტილო ბახმანი ამბობს, - დნმ-ის ნიმუშების დასადგენად პოლიციამ დიდი სამუშაო გასწია, რამაც საბოლოოდ ნამდვილ დამნაშავეებამდე მიგვიყვანა. წარმოდგენილი მტკიცებულებები უტყუარად ადასტურებს, რომ მკვლელობა სწორედ ამ ადამიანებმა ჩაიდინეს.

დანაშაულის მეორე მონაწილე გიორგი ჩხეიძეზე გერმანიამ ძებნა ინტერპოლის მეშვეობით, წითელი ცირკულარით გამოაცხადა. როგორც ირკვევა, ჩხეიძე განსაკუთრებული სიფრთხილით გამოირჩეოდა და მისი დაკავება არც ისე ადვილი აღმოჩნდა, - პოლიციის ცნობით, ის ხშირად იცვლიდა ადგილსამყოფელს. ბოლოს, 2016 წლის 18 ნოემბერს, თბილისში, გაბრიელ სალოსის ქუჩაზე, გახმაურებული სპეცოპერაციის დროს აიყვანეს... ქუთაისის სასამართლომ მას უვადო პატიმრობა მიუსაჯა.

საქართველოს შს სამინისტროს შეფასებით, ეს სპეცოპერაცია საქართველო-გერმანიის საპოლიციო თანამშრომლობის ისტორიაში საერთაშორისო მასშტაბის, უპრეცედენტო ღონისძიება იყო.

სპეცოპერაციის ჩატარებამდე, გერმანიაში, ბადენ-ვიურტემბერგის კრიმინალური პოლიციის სამსახურის პრეზიდენტს, რალფ მიჰელფელდერს საქართველოდან შსს-ს ორი მაღალჩინოსანი შეხვდა. ერთ-ერთი მათგანის განცხადებით, გერმანიიდან უტყუარი მტკიცებულებები მიაწოდეს.

"მიუნხენის უნივერსიტეტის სასამართლო მედიცინის ინსტიტუტის მიერ ჩატარებული ექსპერტიზის შედეგად უტყუარად დადგინდა, რომ ჩხეიძის დნმ-ის კვალი აღმოჩენილია ცხედარზე, ასევე, შემთხვევის ადგილიდან ამოღებულ სხვა ნივთებზე", - წერს "ამერიკის ხმა" მის მიერ მომზადებულ სტატიაში.

შსს-ს განსაკუთრებით მნიშვნელოვან საქმეთა სამმართველოს უფროსის, მიხეილ ძაგნიძის თქმით, "მიუნხენის უნივერსიტეტის სასამართლო მედიცინის ინსტიტუტის მიერ ჩატარებული ექსპერტიზის შედეგად დადგინდა, რომ ჩხეიძის დნმ-ის კვალი აღმოჩენილია ცხედარზე, ასევე, შემთხვევის ადგილიდან ამოღებულ ნივთებზე: დანის ტარზე, ბინის კორიდორში არსებული კომოდის მარჯვენა სახელურზე, გარდაცვლილის გატეხილ მობილურ ტელეფონზე, დაზარალებულის კუთვნილ ორ ბეჭედზე".

მომზადებულია "ამერიკის ხმის" მიხედვით

ლალი პაპასკირი
AMBEBI.GE

14:28 / 15-08-2017
guga
0
ეგ ბიჭები რო დაიჭირეს მაშინ მე ვყავდი პოლიციას ნარკოლოგიურში შემოწმებაზე იქ მოიყვანეს მაშIნ ვნახე ორივე და გავესაუბრე კიდეც ერთერთის ძმაც იქ იყო და ყვებოდა დაჭეის დეტალებს თუ რამდენი ლაზერი ანათებდათ ოპერაციის დროს
11:58 / 05-08-2017
dato
0
ევროპა წვრილმან დანაშაულზე არ რეაგირებს თორემ ასეთ სისასტიკეზე ჰაი დედასა.
მსგავსი სიახლეები
"ნარკოტესტის შედეგად, სამსახურიდან გათავისუფლებულია "შს სამინისტროს" 18 თანამშრომელი..."
იურისტს აეროპორტში სოლომენსკის პოლიციის სამმართველოს წარმომადგენლებთან კამათი მოუვიდა
რეადმისიის შესახებ" შეთანხმება, ამოქმედებიდან დღემდე, საქართველოს 8 148 მოქალაქეს შეეხო
რისთვის იბრძვის რუსეთი გერმანიაში
დაკავება, სავარაუდოდ, გემის ტვირთს უკავშირდება - არალეგალური ტვირთით არალეგალურ ნაოსნობას
ისტორიები ქართველებზე, რომლებიც მე-20 საუკუნის დასაწყისში აშშ-ში მილიონერები გახდნენ
თურქეთში ამ დროისთვის 5 დაშავებული მოქალაქე რჩება, რომელთაგან ერთის მდგომარება მძიმეა
ამ კატეგორიის სხვა სიახლეები
23:08 / 11-12-2017  Image "ჩვენი ოჯახის ცხოვრებაში რთული პერიოდია და ვერ წარმომედგინა თუ რამე ასე გამიხარდებოდა" - გიული ალასანია შვილის გათავისუფლებაზე
+VIDEO "მთელი საღამო მირეკავდნენ და მილოცავდნენ შინაპატიმრობას. კატეგორიულად არ ვიღებდი ამ მოლოცვას"
22:29 / 11-12-2017  Image მიხეილ სააკაშვილი - მოსამართლემ, მიუხედავად პირადად პრეზიდენტის ზეწოლისა, სრულიად საპირისპირო გადაწყვეტილება მიიღო
"ერღვევათ სისტემა. ამათთვის ახლა სასიცოცხლოდ მნიშვნელოვანი იყო სახლში ჩავეკეტე და გარეთ არ გამოვეშვი"
10:13 / 12-12-2017  Image ყველაზე შთამბეჭდავი ელექტრომობილი - Tesla Model S
საკმარისია, ელექტრომობილი ახსენო, რომ დიდს თუ პატარას მაშინვე Tesla ახსენდება.
10:24 / 11-12-2017  Image რა იწვევს ფსორიაზს და როგორ მკურნალობენ მას - "ეს დაავადება ადამიანს შეიძლება ნებისმიერ დროს გაუჩნდეს"
"ფსორიაზი ამოუცნობი გენეზის დაავადებაა, მაგრამ ის განაჩენი არ არის!"
17:02 / 11-12-2017  Image "არ ვარ ისეთი, ზედმეტად რომ გადაყვებიან შვილებს და აბოდებთ..." - როგორი მამაა მიხეილ ცაგარელი და რა ელით მშობლებს ძაღლის წელში
როგორ მოახერხა,  ცნობილმა ასტროლოგმა რომ შვილებთან კონფლიქტი არასოდეს ჰქონოდა

პოპულარული კომენტარები
ინტერნეტკონფერენცია
2017-10-15 07:45:43
ბავშვის აღზრდა რთული და ხანგრძლივი...
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49