ფონიჭალაში დაკავებული პირის მამისთვის უცნობია, რატომ იმყოფებიან მისი შვილის სახლში სამართალდამცველები.
ფაილ ჰუსეინოვის მამა აფრამ ჰუსეინოვი სახლში შეშვებას ითხოვს. როგორც მან აღნიშნა, მისი შვილი და რძალი ბაზარში ვაჭრობენ და არავითარ კანონსაწინააღმდეგო საქმიანობას არ ეწევიან.
აფრამ ჰუსეინოვის თქმით, სახლში, სადაც სამართალდამცველებმა სპეცოპერაცია ჩაატარეს, ფაილ ჰუსეინოვის გარდა მისი მეუღლე და მცირეწლოვანი შვილებიც იმყოფებიან და იქ ამ დრომდე რჩებიან.
ადგილობრივი მოსახლეობის ინფორმაციით, პოლიცია სახლში უკვე სამი საათია მუშაობს.