მიმართა თუ არა მაგდა პაპიძემ პრეზიდენტს შეწყალების თხოვნით? - ადვოკატისა და მსჯავრდებულის დის კომენტარი
მეუღლისა და ქმრის მკვლელობისთვის გასამართლებული მაგდა პაპიძის ადვოკატი ირმა ბრელიძე კატეგორიულად უარყოფს გავრცელებულ ინფორმაციას იმის შესახებ, რომ მსჯავრდებულმა პრეზიდენტს შეწყალების თხოვნით მიმართა. ამის შესახებ ბრელიძემ Ambebi.ge-სთან საუბარში განაცხადა. ადვოკატი ვარაუდობს, რომ აღნიშნული ინფორმაცია "ვიღაცამ შეგნებულად გაავრცელა".
"მაგდა რამდენიმე კვირის წინ ვ ნახე და გეგმაშიც კი არ ჰქონია, რომ პრეზიდენტისთვის შეწყალების თხოვნით მიემართა. უფრო მეტიც, ამის კატეგორიული წინააღმდეგია... გამორიცხულია, რომ მას ჩემთან შეთანხმების გარეშე პრეზიდენტთან რაიმე მიმართვა გაეკეთებინა. ეს არის ცრუ ინფორმაცია... ჩემი აზრით, ვიღაც დაინტერესებულია, რომ ამ ინფორმაციის გავრცელებით საზოგადოება გააღიზიანოს. დღეს მაგდას დედასაც ვესაუბრე, რომელმაც მაგდა რამდენიმე დღის წინ ნახა. მაგდა პაპიძეს არც მისთვის არაფერი მსგავსი არ უთქვამს, პირიქით, პირველივე დღიდან ამის კატეგორიული წინააღმეგი იყო. გაკვირვებული ვარ, რატომ გავრცელდა ეს ინფორმაცია. ალბათ იმიტომ, რომ საზოგადოებამ იფიქროს, რომ მაგდა დამნაშავეა და ახლა აღაიარა დანაშაული, რადგან გათავისუფლდეს ციხიდანო" - განაცხადა ბრელიძემ.
მსჯავრდებულს რომ პრეზიდენტისთვის შეწყალების თხოვნით არ მიუმართავს, ადასტურებს ლანა პაპიძეც. თუმცა როგორც მაგდა პაპიძის და Palitranews-თან სატელეფონო საუბარში აცხადებს, შეწყალების თაობაზე დასთან საუბარი ჰქონდა.
"თეა სირაძე რომ შეიწყალა პრეზიდენტმა, იმ პერიოდში მაგდასთან ციხეში ვიყავი და ვკითხე, რა პროცედურებია საჭირო შეწყალებისთვისთქო. მითხრა, 6 თვეში ერთხელ უნდა დაწერო მიმართვაო... რავიცი თუ აქვს ამას აზრიო, ტიროდა... გამოვიდეო, ბავშვის საფლავი და ჩემები ვნახოო. იცით, რომ შეწყალებას როდესაც წერ, ნაწილობრივ აღიარებ დანაშაულს... მე რომ მაგდას ვკითხე ამის შესახებ, ამიხსნა, ისედაც მომაკერეს ქმარ-შვილის მკვლელობა და მე აღარაფერს ვჩივივარო..."- აღნიშნავს ლანა პაპიძე.
ნახეთ ვიდეო
ბოლო დროის ყველაზე გახმაურებელი საქმეზე პროცესები 2016 წელს მიმდინარეობდა და მას საზოგადოების დიდი ნაწილი განსაკუთრებული ინტერესით ადევნებდა თვალყურს. საქმეს ნაფიცი მსაჯულები განიხლავდნენ. მათ პაპიძეს გამამტყუნებელი განაჩენი გამოუტანეს. სასამართლომ ბრალდებულს სასჯელის ზომად უვადო პატიმრობა განუსაზღვრა.
შეგახსენებთ, მკვლელობა დიღმის მასივში, ფერაძის ქუჩაზე 2015 წლის დეკემბერში მოხდა. ომარ და თორნიკე ქაფიაშვილის მკვლელობის ბრალდებით სამართალდამცველებმა მაგდა პაპიძე მკვლელობის დღესვე დააკავეს.
თამარ ბოჭორიშვილი
"ითქვა, რომ ბიჭებს RGD-ს ტიპის ხელყუმბარა აუფეთქდათ, ზოგი ამბობს იპოვესო, ზოგმა თქვა - თან ჰქონდათო" - რა მოხდა გარდაბანში, სადაც აფეთქებას მოზარდი ემსხვერპლა
მოსწავლის მიმართ გარყვნილი ქმედების ბრალდებით შიდა ქართლში მასწავლებელი დააკავეს
