კვირის ყველაზე კითხვადი სტატიები
თვის ყველაზე კითხვადი სტატიები
11:51 / 13-09-2017
როდიდან და რომელ ქუჩებზე ჩატარდება მართვის მოწმობის გამოცდა რეალურ მოძრაობაში
უკვე ცნობილია, როდიდან დაიწყება მართვის მოწმობის გამოცდის რეალურ მოძრაობაში ჩატარება. როგორც "ინტერპრესნიუსს" შინაგან საქმეთა სამინისტროს მომსახურების სააგენტოში განუცხადეს, პროექტირების სამუშაო დასრულებულია და ამ ეტაპზე განხორციელებისთვის მოსამზადებელი სამუშაოები მიმდინარეობს. განხორციელება კი 2018 წლის პირველი ნახევრიდან იგეგმება.

"ევროდირექტივით აღებული ვალდებულების იმპლემენტაციის მიზნით, შინაგან საქმეთა სამინისტროს მომსახურების სააგენტო აქტიურად მუშაობს მართვის მოწმობის პრაქტიკული გამოცდის რეალურ პირობებში ჩატარების პროექტზე. დეტალურად იქნა შესწავლილი როგორც ევროკავშირის ქვეყნების გამოცდილება, ისე სხვა განვითარებული ქვეყნების პრაქტიკა. გამოცდილების გაზიარების მიზნით, აქტიურად ვთანამშრომლობთ ასევე სხვადასხვა საერთაშორისო
ორგანიზაციასთან. ამ ეტაპზე პროექტირების სამუშაო დასრულებულია და მიმდინარეობს განხორციელებისთვის მოსამზადებელი სამუშაოები. მართვის მოწმობის სახეცვლილი გამოცდა 2018 წლის პირველი ნახევრიდან ამოქმედდება", - განაცხადეს მომსახურების სააგენტოში.

იხილეთ ვიდეო: მართვის მოწმობის გამოცდის რეალურ მოძრაობაში ჩატარება 2018 წლის პირველი ნახევრიდან დაიწყება

შეგახსენებთ, რომ რუსთავის საკრებულომ ქალაქის ტერიტორიაზე სატრანსპორტო საშუალებების პრაქტიკული მართვის სწავლებისათვის ნებადართული გზების ნუსხა ივნისში დაამტკიცა.

საკრებულოს გადაწყვეტილებით, სატრანსპორტო საშუალებების პრაქტიკული მართვის სწავლებისთვის და მართვის მოწმობის ასაღებად საჭირო პრაქტიკული გამოცდის ჩასაბარებლად, რუსთავში შემდეგ ქუჩები განისაზღვრა: თბილისის, ცურტაველის, სპორტის, სუმგაითელ მეტალურგების ქუჩა, დუმბაძის, მესხიშვილის, ლეონიძის, ტაშკენტის, ფალიაშვილის, კლდიაშვილის, ჩერკასკის, ქუთაისის, ფიროსმანის, მოდებაძის, აღმაშენებლის (მოდებაძის ქუჩიდან ახალ ხიდამდე), ლომოურის, მესხიშვილის ქუჩიდან აღმაშენებლის ქუჩის გადაკვეთამდე (მე-12მკრ-ის და მე-16 მკრ-ის შორის მდებრე გზა), დონეცკელ მეტალურგთა, მელიქიშვილის, სანაპიროს, გიორგი ნიკოლაძისა და მშენებელთა ქუჩიდან გაგარინის ქუჩის გადასახვევამდე, ჭავჭავაძის ქუჩა, თავგორაშვილის ქუჩა, ჟიული შარტავას გამზირი, მეგობრობის გამზირი, მერაბ კოსტავას გამზირი #20-მდე (ცენტრალური გზა ქალაქის შემოსასვლელიდან მერიის ადმინისტრაციულ შენობამდე).

ასევე განსაზღვრულია იმ მისამართების ნუსხა, სადაც შესაბამისი ინფრასტრუქტურა უნდა მოეწყოს-დაიხაზოს გზები და გაკეთდეს სპეციალური საგზაო ნიშნები. რუსთავის საკრებულოს თავმჯდომარის დავით მაღლაკელიძის განცხადებით, ინფრასტრუქტურის მოწყობისათვის სამ მილიონ ლარზე მეტია საჭირო, რუსთავის მუნიციპალიტეტს კი აღნიშნული თანხის მოცულობის პროექტის განხორციელების შესაძლებლობა არ აქვს, რისთვისაც შესაბამის უწყებასთან აქტიური კონსულტაციები მიმდინარეობს.
11:16 / 14-09-2017
იქნებ ქალები ჩამოგესვათ მანქანებიდან!
4
იქნებ ქალები ჩამოგესვათ მანქანებიდან!
გამოეხმაურე / 0 /
11:13 / 14-09-2017
xeobeli.- s
0
xeobeli.-ო!<br />
როგორ გული დამწყვიტე მე თვითონ ხეობელს, იმით რომ, არა ხეობურად გადმოეცი შენი აზრი.<br />
<br />
" სპრინტერზე, ხალხი უჯდა მარშუტკას, ჩაუდგა ფეხი მძღოლმა და საავარიო სიტუაცია შექმნა, " - იქნებ ეს ხელმეორედ გადათარგმნო.
გამოეხმაურე / 0 /
მსგავსი სიახლეები
ექსკლუზიურ ინტერვიუში საქართველოს შინაგან საქმეთა მინისტრის მოადგილემ შალვა ხუციშვილმა განაცხადა
ამ კატეგორიის სხვა სიახლეები
20:44 / 18-01-2018  Image თემქაზე მშენებარე ობიექტიდან 26 წლის ბიჭი გადმოვარდა და გარდაიცვალა
მამაკაცი მშენებლობის მესამე სართულიდან გადმოვარდა
15:05 / 18-01-2018  Image კალაძე "ფეისბუქ-ლაივში" 95-ე ბაღის სამზარეულოდან ჩაერთო: "მშობლებო, თქვენი შვილები იკვებებიან ჯანსაღი პროდუქტით"
ინტერნეტმომხმარებელს აჩვენა როგორ მიდის სასადილოში საჭმლის კეთების პროცესი
19:40 / 18-01-2018  Image "მამამისი მის თვალწინ მოკლეს" - მოსკოვში დაკავებული ქართველი "კანონიერი ქურდის", "კვეჟოვიჩის" წარსული და ვენდეტა მამის მკვლელობის გამო
გურამ ჩიხლაძე 10 წლის იყო, მისი მამა ავთანდილ ჩიხლაძე ("კვეჟო") გავლენიანი "კანონიერი ქურდი" გახლდათ
17:52 / 18-01-2018  Image ბათუმში გაუჩინარებული 23 წლის გოგო იპოვეს
23 წლის გოგოს ორი დღეა სამართალდამცავები ეძებდნენ
13:06 / 18-01-2018  Image წვიმა, თოვლი, ქარბუქი.. - საქართველოში ამინდი მკვეთრად გაუარესდება
ზღვაზე 4-6 ბალიანი შტორმი

პოპულარული კომენტარები
ინტერნეტკონფერენცია
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49