კვირის ყველაზე კითხვადი სტატიები
თვის ყველაზე კითხვადი სტატიები
00:31 / 14-09-2017
ე.წ კრიმინალური ავტორიტეტის შურისძიება თბილისში - რას წერს რუსული საიტი ორთაჭალაში აზერბაიჯანელი მამაკაცის მკვლელობის შესახებ
11 სექტემბერს თბილისში, ორთაჭალაში მკვლელობა მოხდა - შუახნის მამაკაცი ავტომობილში მოკლული იპოვეს. მკვლელობა ცეცხლსასროლი იარაღით იყო ჩადენილი, ავტომობილს, რომელშიც მამაკაცის ცხედარი იპოვეს, რამდენიმე ნატყვიარი ჰქონდა. როგორც გაირკვა, მოკლული ეროვნებით აზერბაიჯანელი მამაკაცი იყო, რომელიც რუსეთში იძებნებოდა.

დღეს კი, რუსულ საიტზე ПРАЙМ КРАЙМ გავრცელდა ვიდეო და ინფორმაცია, რომელიც სწორედ თბილისში ორი დღის წინ მომხდარ მკვლელობას ეხება (საიტზე განთავსებული ვიდეო მძიმე სანახავია, ამიტომ თავს ვიკავებთ მისი გავრცელებისგან). საიტის ინფორმაციით, "რესტორან მასპინძელოსთან" მოკლული 42 წლის მამაკაცი აზერბაიჯანელი ელშან მამედოვია,
რომელსაც თავში სამი ტყვია ჰქონდა ნასროლი. გარდაცვლილის სხეული ქართულ სანომრე ნიშნიან Toyota Land Cruiser-ში, მძღოლის ადგილას იპოვეს.

ცნობილი გახდა ისიც, რომ მკვლელობისთვის დაკავებულია აზერბაიჯანული წარმომავლობის მამაკაცი, რომელიც საქართველოში ამ შემთხვევამდე ორი დღით ადრე ჩამოვიდა.

ПРАЙМ КРАЙМ-ის ინფორმაციით, მამედოვი რესტორანში აზერბაიჯანელი ე.წ კანონიერი ქურდის ნადირ სალიფოვის, იგივე გულის გარემოცვის უახლოეს წევრებთან ერთად ვახშმობდა. თვითმხილველების ინფორმაციით, ელშან მამედოვი მოულოდნელად წამოდგა მაგიდიდან და საკუთარ მანქანაში განმარტოვდა, სადაც მალევე მოხდა მკვლელობა.

როგორც ПРАЙМ КРАЙМ იტყობინება, ელშან მამედოვი "გულის" ერთ-ერთი ყველაზე სასტიკი ჯალათი იყო. მის სახელს უკავშირდება  ე.წ კრიმინალურ ავტორიტეტ რაფიკ ეივაზოვთან საქმის გარჩევა, რა დროსაც მამედოვმა ეივაზოვს მარცხენა ყური მოაჭრა და ეს ვიდეოზე გადაიღო. ამ ფაქტის შემდეგ კი ეივაზოვმა შურისძიება გადაწყვიტა და სწორედ თბილისში მოაკვლია მის დაუძინებელ მტერს. როგორც ირკვევა, რაფიკ ეივაზოვმა წინასწარ იცოდა, რომ მამედოვი საქართველოში იყო და როგორც ირკვევა, მან ელშანის მკვლელობაში 500 000 დოლარი გადაიხადა.

აღნიშნულ მკვლელობასთან დაკავშირებით, გამოძიება სსკ-ის 236-ე და 108-ე მუხლებით მიმდინარეობს, რაც ცეცხლსასროლი იარაღის უკანონო შეძენა-შენახვა-ტარებას და განზრახ მკვლელობას გულისხმობს.
12:56 / 14-09-2017
nolito
6
მიშას ბრალია სუყველაფერი ნაცებო რას გვიშვებით :დ
გამოეხმაურე / 2 /
11:14 / 15-09-2017
nolito-s
1
მიხომ გააღო საზღვრები უგზო-უკვლოდ და ყველასთვის და აბა ჩემი ბრალია?
10:39 / 16-09-2017
დათა
0
რომელი საზღვრები გააღო? მანამდე აზერბაიჯანის ნარკოტრასა, ვახტანგისი - ქესალოს გავლით? თუ სადახლო- უპასპპორტოდ 5 ლარად რომ გადადიოდი? პანკისისკენ რა ხდებოდა საერთოდ არც ღირს მაგაზე საუბარი . ერგნეთი გამომრჩა - ბოდიში
12:29 / 14-09-2017
გია
4
პოსტსაბჭოთა სივრცის ნარკობარიგების და კრიმანალის,ყველა სახის სიბინძურის შეხვედრების თავისუფალი ზონა და ქალაქი გახდა თბილისი...
გამოეხმაურე / 0 /
ამ კატეგორიის სხვა სიახლეები
18:12 / 17-01-2018  Image რატომ შევიდა ბაგა-ბაღებში რძის პროდუქტი ღვინის ეტიკეტიანი შეფუთვით? - "მილკოფუდის" განმარტება
"არასწორად ეტიკეტირებული რძის პროდუქტი აბსოლუტურად უსაფრთხოა"
15:25 / 17-01-2018  Image "პატრიარქს სთხოვა მოენათლა, ციხეშივე მონათლეს..." - რას ჰყვება მარეკ დუდაევზე მისი ქართველი ადვოკატი
"ერთხელ მითხრა, ისეთი ცხოვრება მაქვს გავლილი, ნეტავ რატომ გადავრჩიო..."
13:10 / 17-01-2018  Image 3 პირის დაჭრაში ბრალდებულ თამაზ ქვლივიძეს პატიმრობა შეუფარდეს
ქვლივიძე დარბაზშივე დააპატიმრეს
22:18 / 17-01-2017  Image როცა ლოგინის თეთრეულს ყიდულობთ, ეს უნდა იცოდეთ
ლოგინის თეთრეული დიასახლისის ერთ-ერთი მთავარი საზრუნავია
17:23 / 17-01-2018  Image "მაგთიკომმა" ტარიფების გაზრდა დროებით შეაჩერა
"მაგთიკომმა" კომუნიკაციების ეროვნული კომისიის წერილობითი თხოვნა გაითვალისწინა

პოპულარული კომენტარები
ინტერნეტკონფერენცია
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49