საბერძნეთში დაკავებულ ქართველებზე, რომელთაც თაღლითობა და ძარცვა ედებათ ბრალად, საელჩო განცხადებას ავრცელებს
საბერძნეთისა და სერბეთის რესპუბლიკებში საქართველოს საგანგებო და სრულუფლებიანი ელჩი იოსებ ნანობაშვილის ინფორმაციით, საბერძნეთში თაღლითობისა და ძარცვის ბრალდებით დაკავებული, საქართველოს 3 მოქალაქე სასამართლო პროცესამდე გათავისუფლებულია, თუმცა ბრალი არ მოხსნიათ.
უკანასკნელ პერიოდში საბერძნეთში საქართველოს მოქალაქეების დაკავების ფაქტებთან დაკავშირებით ელჩი საბერძნეთში მცხოვრებ საქართველოს მოქალაქეებისადმი მორიგ მიმართვას ავრცელებს.
"საბერძნეთის სამართალდამცავ სტრუქტურებთან ყოველდღიური კომუნიკაციის შედეგად, საელჩოს აქვს დადასტურებული ინფორმაცია, რომ საქართველოს 3 მოქალაქე ქალბატონი, რომლებთან დაკავშირებითაც ქართული დიასპორის ზოგიერთი წარმომადგენელი წუხილს გამოთქვამდა, მხოლოდ სასამართლო პროცესამდეა გათავისუფლებული, თუმცა ბრალი არ მოხსნიათ. საქართველოს საელჩოს საკონსულო სამსახურმა შესთავაზა საქართველოს მოქალაქეებს შეხვედრა და მათი საკითხის დეტალურად განხილვა, ველით მათგან შესაბამის რეაგირებას და კვლავ მზად ვართ შეხვედრისა და კომპეტენციის ფარგლებში დახმარებისთვის.
ზემოხსენებული სამი ქალბატონის ფოტოების გავრცელებასთან და ამ პირების, ამავე პერიოდში ჩადენილ, სხვა დანაშაულთან დაკავშირების თაობაზე, გაცნობებთ, რომ საბერძნეთის შს მიერ გავრცელებულ ინფორმაციაში უზუსტობები არ აღმოჩნდა, შეცდომები დაშვებულია ინფორმაციის გავრცელებისას ზოგიერთი ბერძნული სააგენტოს მიერ და საქართველოს საელჩო მათთან აქტიურად მუშაობს ხარვეზების გამსოწორების მიზნით", - ნათქვამია იოსებ ნანობაშვილის მიმართვაში.
საბერძნეთში თაღლითობისა და ძარცვის ბრალდებით საქართველოს 8 მოქალაქე დააკავეს, მათ შორის სამი ქალი. ბერძნულ მედიაში გამოქვეყნდა ათენის პროკურატურის მიერ გავრცელებული, დაკავებულების ფოტოები, სახელები და გვარები. გამოძიების ინფორმაციით, დაკავებულები შემოსავლების სამსახურის წარმომადგენლებად ასაღებდნენ თავს და მოხუცი ადამიანების სახლებში შედიოდნენ, შემდეგ კი ამ სახლებს ძარცვავდნენ.
წაიკითხეთ:
დაპირისპირება თბილისის ცენტრში - რამდენიმე მამაკაცი ფიზიკურად გაუსწორდა
"სათამაშო ბიზნესი "ქართულ ოცნებაში" ე.წ. შავ სალაროს ავსებს" - ვინ მფარველობს ონლაინკაზინოებს?
