მადრიდსა და კატალონიაში ქართული მაფიის წინააღმდეგ ოპერაცია მიმდინარეობს

ესპანეთის ეროვნულმა პოლიციამ და კატალონიის პოლიციამ დღეს დილით მადრიდსა და კატალონიაში ქართული მაფიის წინააღმდეგ ოპერაცია დაიწყეს, - ამის შესახებ ესპანური გამოცემა El Periodico პოლიციაში წყაროებზე დაყრდნობით იუწყება.

მათივე ინფორმაციით, პოლიციის თანამშრომლები ჩხრეკას ატარებენ სხვადასხვა მისამართებზე კატალონიის რამდენიმე ქალაქში. ასევე მისამართებზე ჩხრეკა მადრიდში ტარდება.

ადგილობრივი ტელეკომპანია TV3 იუწყება, რომ ოპერაციის ფარგლებში 16 პირია დაკავებული. ტელეკომპანიის ინფორმაციით, დანაშაულებრივი ჯგუფი ძირითადად ყაჩაღობითა და ფულის გათეთრებით იყო დაკავებული.

იხილეთ ვიდეო: ქართული მაფიის წინააღმდეგ ოპერაცია ესპანეთში: მადრიდსა და კატალონიაში პოლიციის თანამშრომლები ჩხრეკას ატარებენ