"დედას შვილი ოთხი წელი არ ჰყავდა ნანახი და ცოცხალსაც ვერ ჩამოუსწრო" - რას ჰყვება საავადმყოფოში გარდაცვლილ მოსწავლეზე ოჯახის ახლობელი

"დედას შვილი ოთხი წელი არ ჰყავდა ნანახი და ცოცხალსაც ვერ ჩამოუსწრო" - რას ჰყვება საავადმყოფოში გარდაცვლილ მოსწავლეზე ოჯახის ახლობელი

ხორავას ქუჩაზე დატრიალებულმა ტრაგედიამ სრულიად საქართველო შეძრა. 51-ე სკოლის მიმდებარე ტერიტორიაზე მოსწავლეებს შორის მომხდარ დაპირისპირებას 2 მოზარდი ემსხვერპლა. 16 წლის ბიჭებს ჭრილობა ცივი იარაღით მიაყენეს. ერთი დაჭრილი, ლ.დ. საავადმყოფოში მიყვანამდე გარდაიცვალა, რაც შეეხება დ.ს-ს, რომელიც რესპუბლიკურ საავადმყოფოში 12 ჭრილობით, უმძიმეს მდგომარეობაში შეიყვანეს, სამი ოპერაცია ჩაუტარდა. ექიმების მცდელობის მიუხედავად მოზარდის გადარჩენა ვერ მოხერხდა.

შინაგან საქმეთა სამინისტრომ მომხდარ ჩხუბთან დაკავშირებით უკვე დააკავა 2001 წელს დაბადებული გ.ბ. გამოძიება დამამძიმებელ გარემოებაში განზრახ მკვლელობის მუხლით მიმდინარეობს (საქართველოს სსკ-ს 109-ე მუხლით).

წაიკითხეთ: რა მოხდა 51-ე სკოლაში 1 დეკემბერს და რამ გამოიწვია მოსწავლეების დაპირისპირება - პროკურატურა ინფორმაციას ავრცელებს

საავადმყოფოში გარდაცვლილი 16 წლის დ.ს-ის დედა შემთხვევის დროს ისრაელში იმყოფებოდა, მას შვილი 4 წლის განმავლობაში ნანახი არ ჰყავდა. ამის შესახებ Ambebi.ge-ს გარდაცვლილის ოჯახის ახლობელმა განუცხადა, რომლის ვინაობას მისივე თხოვნით არ ვასაჯაროვებთ:

- უწესიერესი, თითით საჩვენებელი ბავშვი იყო, გამორჩუელად ზრდილობიანი. რაგბის თამაშობდა.... არავისთვის არაფერი დაუშავებია, პირიქით ყველას უყვარდა და მასაც ყველა უყვარდა. ძალიან ბევრი ოცნება და მიზანი ჰქონდა. მათ ოჯახში დიდი ტრაგედია ტრიალებს, ინტელექტუალების ოჯახიდანაა, ბაბუამისი ლექტორი იყო... პატიოსანი და მშრომელი ოჯახია - ოჯახი, რომელზეც ცუდს ვერავინ იტყვის. იმ არაადამიანებმა გაანადგურეს. მათ რეალურად ყველა მოკლეს…

- როგორც ვიცით, როდესაც ეს ამბავი მოხდა, დ-ს დედა საზღვარგარეთ იმყოფებოდა...

- დედას შვილი ოთხი წელი არ ჰყავდა ნანახი და ცოცხალსაც ვერ ჩამოუსწრო. ის საზღვარგარეთ მუშაობდა და ოჯახის დახმარებას იქიდან ცდილობდა. წარმოუდგენელი ტრაგედიაა, ჯერ კიდევ ვერ ვაცნობიერებთ იმას, რაც მოხდა.

ნიკა საჯაია

AMBEBI.GE

ასევე დაგაინტერესებთ: რას ჰყვება ჩხუბის დროს მოკლულ მოსწავლეზე თანაკლასელი - "ის უბრალოდ გამშველებელი იყო..."

"შემომხედა და ერთი ამოილუღლუღა - "გადამარჩინეთ!" - რას წერს სასწრაფო დახმარების ექიმი ხორავას ქუჩაზე მომხდარ ტრაგედიაზე

დაპირისპირება თბილისის ცენტრში - რამდენიმე მამაკაცი ფიზიკურად გაუსწორდა

"სათამაშო ბიზნესი "ქართულ ოცნებაში" ე.წ. შავ სალაროს ავსებს" - ვინ მფარველობს ონლაინკაზინოებს?

პოლიციელებმა 35 წლის მამაკაცის გატაცებაში ფული აიღეს? - რა ახალ დეტალებს ამჟღავნებს "კურიერი" რუსთავში მომხდარი მკვლელობის შესახებ