საბერძნეთში "ქუთაისური დაჯგუფების" წევრ ე.წ კანონიერ ქურდებს პატიმრობა მიესაჯათ

საბერძნეთში "ქუთაისური დაჯგუფების" წევრ ე.წ კანონიერ ქურდებს პატიმრობა მიესაჯათ

საბერძნეთში დანაშაულებრივი დაჯგუფების შექმნისთვის 63 წლის ე.წ. კანონიერ ქურდს დავით სებისკვერაძეს 16-წლიანი პატიმრობა მიუსაჯეს. ამის შესახებ გამოცემა "პრაიმკრაიმი" წერს.

დავით სებისკვერაძესთან ერთად, რომელიც ასევე "დათო კუტაისკის" და "კალიასკას" სახელებით არის ცნობილი, პასუხისგებაში კიდევ ორი ე.წ. კანონიერი ქურდი შოთა ასათიანი ("შოთიკო ბოლნისკი") და ლაშა უგრელიძე ("სტალინი") მიეცა. მათ 17 და 16 წლით თავისუფლების აღკვეთა მიესაჯათ.

იხილეთ ვიდეო: "სტალინი"; "კალიასკა"; "შოთიკო ბოლნისკი" - ქართველ "კანონიერ ქურდებს" საბერძნეთში 16-17 წლით პატიმრობა მიესაჯათ

კიდევ ერთი ე.წ. კანონიერი ქურდი მიხეილ ბუძიშვილი ("მიშკა კუტაისკი"), რომელიც 2015 წლის დეკემბერში ამავე სისხლის სამართლის საქმეზე იყო დაკავებული, მიმდინარე წლის აპრილში ნარკოტიკების დოზის გადაჭარბების გამო გარდაიცვალა.

გამოცემის ინფორმაციით, სებისკვერაძე საბერძნეთში ქუთაისურ დაჯგუფებას ხელმძღვანელობდა, ახლა კი მის უფლებამოსილებებს, სავარაუდოდ, ასევე ქუთაისელი გაიოზ ზვიადაძე ("გია კუტაისკი") გადაიბარებს.

მთავარ ფოტოზე დავით სებისკვერაძე მოსკოვში 2009 წელს

დაპირისპირება თბილისის ცენტრში - რამდენიმე მამაკაცი ფიზიკურად გაუსწორდა

"სათამაშო ბიზნესი "ქართულ ოცნებაში" ე.წ. შავ სალაროს ავსებს" - ვინ მფარველობს ონლაინკაზინოებს?

პოლიციელებმა 35 წლის მამაკაცის გატაცებაში ფული აიღეს? - რა ახალ დეტალებს ამჟღავნებს "კურიერი" რუსთავში მომხდარი მკვლელობის შესახებ