სასამართლომ ხორავას ქუჩაზე მოსწავლეების მკვლელობაში ბრალდებულები პატიმრობაში დატოვა
ხორავას ქუჩაზე მოზარდების მკვლელობაში ბრალდებულები პატიმრობაში რჩებიან. სასამართლომ ბრალდებულების მიმართ გამოყენებულ აღკვეთის ღონისძიებას დღევანდელ სხდომაზე გადახედა და მათ მიმართ გამოყენებული პატიმრობა ძალაში დატოვა.
ამასთან, როგორც პროკურორმა ზვიად ფხაკაძემ ჟურნალისტებს განუცხადა, სასამართლომ დააკმაყოფილა ბრალდების მხარის შუამდგომლობაც და მათ მიერ წარდგენილი ახალი მტკიცებულებებიც დასაშვებად ცნო.
"დღევანდელ სასამართლო სხდომაზე ბრალდების მხარემ წარადგინა დამატებითი მტკიცებულებები და მოითხოვა მათი დასაშვებ მტკიცებულებებად ცნობა. ასევე მოვითხოვეთ აღნიშნულ მტკიცებულებებთან დაკავშირებით კონკრეტული პირების დაკითხვა. სასამართლომ დააკმაყოფილა ჩვენი შუამდგომლობები. სასამართლომ ასევე განიხილა ბრალდებულების მიმართ გამოყენებული აღკვეთის ღონისძიების საკითხი და ბრალდებულების მიმართ შეფარდებული აღკვეთის ღონისძიება - პატიმრობა ძალაში დატოვა", - განაცხადა პროკურორმა.
მისივე ინფორმაციით, დღეს ბრალდებისა და დაცვის მხარეებს შესავალი სიტყვები არ უთქვამთ და შესაბამისად, შესავალი სიტყვით მხარეები სასამართლოს წინაშე მომდევნო პროცესზე წარსდგებიან.
დაპირისპირება თბილისის ცენტრში - რამდენიმე მამაკაცი ფიზიკურად გაუსწორდა
"სათამაშო ბიზნესი "ქართულ ოცნებაში" ე.წ. შავ სალაროს ავსებს" - ვინ მფარველობს ონლაინკაზინოებს?
