რუსთავში ახალგაზრდა მამაკაცი დაჭრეს

რუსთავში ახალგაზრდა მამაკაცი ცივი იარაღით დაჭრეს. შემთხვევა წუხელ გვიან ღამით მოხდა. მამაკაცს დაზიანება გულმკერდის არეში აქვს მიყენებული. დაჭრილი მამაკაცი რუსთავის ცენტრალურ საავადმყოფოში გადაიყვანეს, სადაც გულზე ოპერაცია ჩაუტარდა. ექიმების ინფორმაციით, მისი ჯანმრთელობის მდგომარეობა სტაბილურად მძიმეა.

არსებული ინფორმაციით, დაჭრილი "საქართველოს ელექტროსისტემის" დაცვის სამსახურის თანამშრომელია.

როგორც "ინტერპრესნიუსს" შსს-ში განუცხადეს, მომხდართან დაკავშირებით, ცხელ კვალზე დაკავებულია ერთი პირი. გამოძიება სისხლის სამართლის კოდექსის 117-ე მუხლით მიმდინარეობს, რაც ჯანმრთელობის განზრახ მძიმე დაზიანებას გულისხმობს.

იხილეთ ვიდეო: 22 წლის ბიჭი თანატოლმა გოგომ დაჭრა - რა მოხდა რუსთავში?